Búgin belgili ǵalym, fılosofııa ǵylymdarynyń doktory, professor Amangeldi Aıtalynyń týǵanyna - 85 jyl.
1939 jyly 10 qyrkúıekte Reseıdiń Astrahan oblysy Volodarsk aýdanyna qarasty Boldyrevo aýylynda dúnıege kelgen.
1959 – 1964 jyldary Aqtóbe memlekettik pedagogıkalyq ınstıtýtyn, 1964 – 1967 jyldary Ál-Farabı atyndaǵy Qazaq ulttyq ýnıversıteti (burynǵy Kırov atyndaǵy Qazaq memlekettik ınstıtýtynyń) aspırantýrasyn bitirgen.
1959 jyly Mártók aýdany, Qyzyltań aýylynyń mektebinde bastaýysh synybynyń muǵalimi bolǵan.
1968 jyly Aqtóbe memlekettik pedagogıka ınstıtýtynda aǵa oqytýshy, 1970 – 1983 jyly osy ınstıtýtta fılosofııa jáne ǵylymı kommýnızm kafedrasynyń meńgerýshisi, 1989 – 1995 jyldary Aqtóbe memlekettik pedagogıkalyq ınstıtýtynda ǵylymı jumystar jónindegi prorektory, 1996 – 1999 jyldary Q.Jubanov atyndaǵy Aqtóbe óńirlik memlekettik ýnıversıtetiniń professory, fılosofııa kafedrasynyń meńgerýshisi, 1999 – 2007 jyldary Qazaqstan Respýblıkasy Parlamenti Májilisiniń depýtaty boldy.
2007 – 2010 jyldary Qazaq Gýmanıtarlyq Zań Ýnıversıtetiniń professory, 2010 jyldan Aqtóbe memlekettik pedagogıkalyq ınstıtýtynda professory, sonymen qatar «Bilim men tárbıeniń dúnıetanymdylyq áleýmettik máselelerin zertteý» ortalyǵynyń jetekshisi, 2013 jyldan bastap Q.Jubanov atyndaǵy Aqtóbe óńirlik memlekettik ýnıversıtetiniń «Áleýmettik saıası pánder» kafedrasynyń professory , «Bilim men tárbıeniń dúnıetanymdylyq áleýmettik máselelerin zertteý» ortalyǵynyń jetekshisi boldy.
Odan bólek, 100 den astam ǵylym maqalalardyń, 5 monografııanyń avtory. «Qurmet» jáne «Parasat» ordenderimen marapattalǵan.
