Búgin jazýshy Muhtar Áýezovtyń uly, qoǵam qaıratkeri, mádenıettanýshy, ǵalym Murat Áýezovtyń týǵan kúni. Ol 80 jasqa toldy, dep habarlaıdy “Adyrna” ulttyq portaly.
Murat Áýezov 1943 jyly 1 qańtarda Jambyl oblysynda dúnıege kelgen. Qazaqtyń zańǵar jazýshysy Muhtar Áýezov pen Fatıma Ǵabıtovanyń uly. M.V.Lomonosov atyndaǵy Máskeý memlekettik ýnıversıtetiniń Shyǵys tilderi ınstıtýtyn "Qytaı fılologııasy" mamandyǵy boıynsha bitirgen. Qyzmettik jolynda basshy da, depýtat ta, elshi de bolǵan.
Sondaı-aq, ol Qazaqstan Jazýshylar odaǵynyń múshesi, Qazaqstan Respýblıkasynyń Eńbek sińirgen qaıratkeri, "Altyn asyq", "Tarlan" syılyǵynyń laýreaty. "Vremen svıazýaıa nıt", "Ippokren", "Ýıtı, chtoby vernýt" eńbekteriniń avtory.
Elimizdiń ǵylymyn, kórkem ádebıetin, kıno óneri men televızııasyn damytýǵa eleýli úles qosty. "Jas tulpar" beıresmı jastar qozǵalysy men "Nevada-Semeı" qoǵamdyq qozǵalysyn uıymdastyrýshylardyń biri. Uly Jibek jolyn zertteý men damytýǵa qosqan úlesi úshin IýNESKO-nyń qola medalimen marapattaldy.
