«QAZSPORT» telearnasynyń dırektory Pavel ybýlın bastalǵaly turǵan jańa telemaýsym týrasynda suhbat berdi.
- Aldymen, eń mańyzdylaryna toqtalsańyz...
2 naýryzdan bastap «QAZSPORT» telearnasy efırinde eń úzdik bes ulttyq eýropalyq chempıonatty (ár kezeńde ár chempıonattan bir matchtan) kórsete bastaıdy. Bul degenińiz, jankúıerler ár demalys kúnderinde Italııa, Ispanııa, Anglııa, Germanııa jáne Franııadan bes matchtan kóredi degen sóz. Tarnslıaııany senbi, 2 naýryz saǵat 23:00-de ıtalııalyq A serııasyndaǵy «Mılan» – «Sassýolo» matchynan bastaımyz. Bul oıyn aıaqtalǵan soń saǵat 01:00-de Franııadaǵy «Anje» – «Monako» tartysyna birden aýysamyz. Al, jeksenbi, 3 naýryz kúni saǵat 20:00-de Anglııa premer-lıgasynyń ortalyq matchtarynyń biri «Fýlhem» - «Chelsı» kórsetiledi. Saǵat 23:00-de jankúıerler nemis Býndeslıgasynyń oıyny «Volfsbýrg» - «Verder» tartysyn tamashalaı alady. Ári qaraı jeksenbiniń dúısenbige qaraǵan túninde saǵat 01:45-te ıspanııalyq La-Lıgadan «Valensııa» – «Atletık» (Bılbao) matchyn qaraýǵa múmkindik bar.
TOP-5 matchty kórsetýdi josparlaýdaǵy basty maqsatymyz – bul matchtar qazaqstandyq kontentke qosylmaýy kerek. Bul jerde aldymen (jaqyn kúnderi), Ýnıversıada men QHL pleı-off kezeńindegi «Barys» matchtarynyń translıaııasy mańyzdy ekenin eskerý qajet. Hokkeı tartystarynyń barlyǵy tikeleı efırde taratylady, bul tipti, talqyǵa da salynbaıdy. «Barys» jáne onyń jankúıerleri úshin biz barlyq chempıonattardy taratýǵa daıynbyz. Mysaly, 2 naýryz kúni saǵat 20:00-de «Barystyń» Nıjnıı Novgorodtaǵy matchy kórsetiledi. Negizi dál osy ýaqytta APL «Manchester Iýnaıted» - «Saýtgempton» oıynyn kórsetýge de bolatyn edi, biraq bul match hokkeıge aýysady.
- Bul kontentti satyp alǵan quqyq ıelerimen jasalǵan televızııalyq kelisimshartta qandaı erekshelikter bar?
Ózderińiz baıqaǵandaı, bul jaı kelisimshart emes. «Setanta» kompanııasymen kelisimshart jasasý uzaqqa sozyldy. Qazir jumystyń qalaı órbýine baılanysty biraz jaıttar bar: aldymen, kelisimshartty osy kúzde jalǵastyramyz ba degen másele. Eger oıymyz biz josparlaǵandaı iske assa, onda bul matchtardy kelesi maýsymda da kórsetýimiz bek múmkin. Munda barlyǵy bir-birimin tyǵyz baılanysty: matchtardy tańdaý, kórsetilim ýaqyty, jarnamaǵa qatysty suraqtar jáne t.b. Mysaly, kelisimshartqa sáıkes, biz atalmysh oıyndardy tek tikeleı efırde jáne belgilengen ýaqytta ǵana kórsete alamyz (oıyndardy tńdaýǵa da quqyǵymyz joq). Sondyqtan, eń úzdik matchtardan kórsetilim jasaýǵa esh quqyǵymyz joq. Oıyndardyń jartysy TOP quramalardyń qatysýymen, jartysy ortasha bolady.
- Osy kontenttiń quqyq ıesimen kelisim barysynda qandaı mańyzdy kelisimder bar?
- Bul bir kúnde otyryp qol qoıa salatyn kelissózder emes! «Setanta» kompanııasymen kelisimshart jasasý uzaqqa sozyldy. Maýsym sońyna deıingi jumysymyzǵa qaraı kúzde bul seriktestikti jalǵastyrý jaıy anyqtalatyn bolady. Mysaly, kelisimshart boıynsha biz match tańdaý quqyǵyna nemese onyń ýaqytyn ózgertip kórsetýge múmkindigimiz joq. Árıne, men kelisimsharttyń barlyǵyn aıta almaımyn. Biraq, atalǵan kontentti satyp alý barysynda kóp qarajat jumsamadyq. Bul osy kelissózderdegi eń basty másele. Sebebi biz salyq tóleýshilerdiń qarajatyn ońdy-soldy jumsaı almaımyz.
- Bir úlken jobany efırge shyǵaryp, ekinshisinen aıyryldyq...
- UFC-ge qatysty belgili bir sebepterge baılanysty /telearnanyń tarapynan emes/ jekpe-jekterdi kórsetýdi toqtattyq. Ókinishke qaraı, eki taraptyń kelisimimen UFC translıaııalaryn ótkizý týraly kelisimshart buzyldy. Aldaǵy ýaqytta kelissózder jalǵasyp álemdik promoýshendi telearnamyzǵa qaıta qosamyz degen úmittemiz. Aıta keteıik, mundaı túsiniksiz jaıtqa tek «QAZSPORT» telearnasy ǵana emes, álemniń basqa elderiniń arnalary da tap boldy.
- HHIH qysqy Ýnıversıada oıyndarynyń da mańyzdylyǵyn aıta ketken jón shyǵar?
- Iá, biz ony 3-12 naýryz aralyǵynda kórsetemiz. Ýnıversıada barysynda 60-tan astam telekórsetilim júrgiziletin bolady. Bizdiń maqsatymyz – barlyq qazaqstandyq sportshylardyń ónerin kórsetý. «QAZSPORT» telearnasy álemdegi eń basty 5 kórsetilim taratýshylary qatarynda. Bul joly 56 memlekettiń quramalary qatysyp, 11 sport túri boıynsha 76 medal sarapqa salynady. Qazaq eliniń namysyn 95 stýdent qorǵamaq.
Esterińizge sala keteıik, Almatyda ótken Ýnıversıadada qorjynǵa 11 altyn, 8 kúmis, 17 qola medal salǵan sportshylarymyz kórshi elde 2 jyl burynǵy jetistigin qaıtalaıdy, dep senemiz.
Sondaı-aq, jańa maýsymda ÝEFA Chempıondar lıgasy men Eýropa lıgasynyń kórsetilimi jalǵasyn tabady. Sonymen qatar, basketboldan el chempıonatynyń birneshe oıyndary kórsetiletin bolady. Bul «QAZSPORT» arnasynyń tarıhynda alǵash ret bolmaq. Nege tek birneshe? Sebebi, klýbtardyń sport arenalary kórsetilim júrgizýge, tehnıkalyq talaptarǵa saı kelmeıdi. Biz túrli túske árlengen jáne bos sport zaldarynan efırge shyǵa almaımyz ǵoı.
- Fýtboldan Qazaqstan Premer-lıgasy oıyndarynyń kórsetilimi ne bolmaq?
- Men dál qazir el chempıonatyn kórsetemiz dep naqty aıta almaımyn. Biz áli kúnge deıin Qazaqstannyń Kásipqoı fýtbol lıgasymen kelisimge kele almaı kelemiz. Sebebi, olar bizden TV quqyq úshin qarjy surap otyr. Biraq, biz ne úshin tóleımiz? Mysaly, Eýropanyń TOP-5 chempıonatynyń oıyndaryna quqyq alǵan kezde bizge bári daıyn keledi. Biz tek efırden kórsetip, júrgizemiz. Al qazaqstandyq oıyndardy kórsetkende biz ózimiz túsirip, onyń ústine ár oblys, qalaǵa iskerlik saparǵa shyǵyp jáne sol atqarǵan jumysty óńdeýimiz kerek. Munyń barlyǵy kóp qarajatty talap etedi. Oılap qarasańyz, biz memlekettik qarjyny osy jumystarǵa jumsap, onyń ústine sol úshin aqsha tóleýimiz kerek. Sondaı-aq, Kásipqoı fýtbol lıgasynyń ózi memlekettik bıýdjetke qarap otyr. Demek, bul degenińiz, memlekettik aqshany (bizdiń arna) dál sondaı bıýdjetke qarap otyrǵan mekemege (QKFL) salý. Sondyqtan, bul nusqa bizdi qanaǵattandyrmaıdy. Shynymdy aıtsam, sheteldik chempıonattardyń kórsetilimin alǵannan, QKFL-men kelissóz júrgizý qıyn bolyp tur. Biz óz tarapymyzdan el chempıonatynyń 1/3 bóligin óz qarajatymyzben kórsetýge daıyn ekenimizdi jarııalaımyn. Lıgaǵa budan artyq ne kerek? Oıyndar kórsetiledi, fýtbol damyp jatyr. Al, QKFL-ge qarajat jumsaýdyń qajeti joq. Menińshe, bizdiń ustanym túsinikti ári naqty.
