Futboldan Qazaqstan qūramasy Ūlttar ligasynyŋ soŋǧy oiynynda Norvegiia qūramasynan 5:0 esebımen jeŋılıp qaldy, dep habarlaidy «Adyrna» tılşısı.
Toptyq kezeŋ nätijesınde Norvegiia qūramasy 13 ūpai jinap, 1-orynǧa şyqty. Qazaqstan bolsa, alty oiynnyŋ barlyǧynda bırde-bır gol soǧa almai, jalǧyz ūpaidy öz alaŋynda Norvegiiamen ötken matchta teŋ oinau arqyly aldy. Osylaişa otandastarymyz S divizionyna tüsıp qaldy.
Qazaqstan Ūlttar ligasynyŋ biylǧy mausymynda V deŋgeiınde oinady. Jerebe tartqanda Qazaqstan qūramasy Avstriia, Norvegiia jäne Sloveniiamen bır topqa tüsken bolatyn.
17 qaraşada Ūlttyq qūramanyŋ bas bapkerı Stanislav Cherchesov Norvegiiamen ötken match turaly pıkırın aitty.
«Osy mausymda qatelık jıbermei ötkızgen jalǧyz oiynymyz Almatydaǧy Norvegiiaǧa qarsy şyǧar. Sonyŋ arqasynda ūpai enşıledık. Barlyq oiynda qatelıkterımızden gol jıberdık. Bügın de bolmaityn jerden qatelık jıberıp, gol ötkızdık. İä, qarsylasymyz myqty, qysym körsettı, bıraq qysym eşteŋenı bıldırmeidı. Jıgıtter tyrysty, sol üşın olarǧa alǧysymdy aittym, bıraq būndai qatelıkterden kelesı mausymda qūtyluymyz kerek.
Biyl özı osyndai sätsızdıkke toly jyl boldy, kelesı jyly basynan bastauymyz qajet. Jerebenı kütıp, kelesı jylǧa daiyndalamyz», – dedı bapker.
