Bul merekeniń el úshin mańyzy zor. Qandaı qıyn-qystaý zamanda bolmasyn biz ishki birligimiz ben yntymaǵymyzdy saqtaı alǵan elmiz. Dostyq pen ózara túsinistikti baǵalap, bir-birin qurmettep, elimizdegi barsha etnos ókilderi beıbitshilik pen ashyq aspan astynda turyp jatyr.
Prezıdentimiz Qasym-Jomart Kemeluly Toqaev myrza Qazaqstan halqy Assambleıasynyń HHHII sessııasyndaǵy sózinde:
«Bizdiń qoǵam – ortaq ıdealdar men qundylyqtar biriktirgen erkin ári jaýapkershiligi mol azamattardyń odaǵy. Bul – jalpyulttyq biregeıligimizdiń taǵy bir jarqyn kórinisi. Sondyqtan búginde azamattarymyzdyń barlyǵy ózderin úlken ári birtutas qazaq otbasynyń, shyn máninde, qazaq ultynyń múshesi sezinedi» dep atap ótken bolatyn.
Búginde halqymyz Ádiletti Qazaqstan qurý ıdeıasynyń tóńiregine birigýde. Bul proess Memleket basshysy Qasym-Jomart Kemeluly Toqaev myrzanyń bastamasymen qolǵa alynǵan aýqymdy reformalardy iske asyrýda kórinis taýyp otyr.
Órkenıetti, demokratııaly elderdegideı Qazaqstan Respýblıkasynyń Konstıtýııasy etnıkalyq shyǵý tegine qaramastan, barlyq azamattardyń quqyqtary men múmkindikteriniń teńdigine kepildik beredi. Al, kók pasportymyz ben kók týymyz barshamyzdy biriktirip, Qazaqstan atty ortaq Otanymyzdyń azamattary ekenimizdi qoǵamdyq sanaǵa sińdire alǵan qasıetti sımvoldarymyz.
Bıyl Qazaqstan halqynyń birligi kúni 28-shi ret atalyp ótilýde. Dástúrli merekeler, festıvaldar, konertter, sporttyq jarystar men mádenı is-sharalardy qosa alǵanda, merekeler elimizdiń barlyq óńirlerinde ótip, kópetnosty Qazaqstannyń biregeıligi men alýan túrliligin kórsetedi.
Mereke qutty bolsyn Otandastar!
