Energetıka mınıstrligi taýar esebinde júretin [taýarlyq gaz] gazdy kóterme saýdada ótkizýdiń shekti baǵalaryn belgileıtin buıryq jobasyn daıyndady. Buıryq ishki naryq zańdylyqtaryna saı negizdelgen. Oǵan sáıkes, gazdyń shekti kóterme baǵasy 15 paıyzǵa artady, dep habarlaıdy "Adyrna" ulttyq portaly.
Energetıka mınıstrliginiń habarlaýynsha, qazirgi ýaqytta Qazaqstanda taýarlyq gazdyń ortasha bólshek saýda baǵasy - 22,06 teńge/m3. Taýarlyq gazǵa turǵyndarǵa arnalǵan shekti kóterme baǵalar 15%-ǵa ósken kezde Qazaqstandaǵy bólshek saýda baǵalar óńirge baılanysty 1,1-den 3,87 teńge/m3-ge deıin (QQS-ty eseptemegende) ósedi, ortasha ósim shamamen 2,7 teńge/m3 bolady (QQS eseptemegende).
Taýarlyq gaz baǵasynyń qymbattaýyna áser etýshi birneshe faktorlar ataldy. Olardyń ishinde taýarlyq gaz jetkizý qunynyń kóterilýi, gaz óndirisiniń tómendeýi men tutynymnyń artýy syndy sebepter bar.
Zakon.kz-nyń kórsetýinshe, buıryqtyń jobasy Qazaqstan óńirlerin gazben jabdyqtaýdyń ekonomıkalyq jáne áleýmettik jaǵdaılaryn eskere otyryp, árbir oblys, respýblıkalyq mańyzy bar qala, astana úshin jyldarǵa bóle otyryp, 2023 jylǵy 1 shildeden bastap 2028 jylǵy 30 maýsymdy qosa alǵan kezeńge ishki naryqta taýarlyq gazdy kóterme saýdada ótkizýdiń shekti baǵalaryn belgileýdi kózdeıdi. Qazaqstan Respýblıkasynyń zańnamasyna sáıkes shekti kóterme baǵalardyń ósýi bir kúntizbelik jyl ishinde 15%-dan aspaýǵa tıis.
Qujat "Gaz jáne gazben jabdyqtaý týraly" Qazaqstan Respýblıkasy Zańy 20-babynyń 3-tarmaǵyna sáıkes 15 mamyrdan keshiktirilmeı bekitiledi.
"Adyrna" ulttyq portaly
