Ükımet sybailas jemqorlardan sot arqyly alynyp, memleketke ötken aqşalai qarajatty mektepterdıŋ qūrylysyna beru tetıgın bekıttı. Tiıstı tüzetuler engızılgen qaulyǧa Premer-Ministr Älihan Smaiylov qol qoidy, dep habarlaidy «Adyrna» tılşısı.
Memleket basşysy Qasym-Jomart Toqaev 2022 jylǧy 1 qyrküiektegı «Ädılettı memleket. Bırtūtas ūlt. Berekelı qoǧam» atty halyqqa Joldauynda jemqorlardan alynǧan qarajatty bılım beru infraqūrylymyn qoldauǧa baǧyttaudy tapsyrǧan bolatyn.
«Jalpy, mektep salu Ükımet pen äkımdıkter üşın basty mındetterdıŋ bırı boluy kerek. Jemqorlar sottalǧanda, olardyŋ zaŋsyz tapqan qarjysy memleketke ötıp, tügeldei mektep qūrylysyna jūmsaluǧa tiıs», — dedı ol.Ükımettıŋ baspasöz qyzmetınıŋ jazuynşa, bügıngı taŋda Bılım beru infraqūrylymyn qoldau qoryna 121,7 mlrd teŋge tüsken.
«El basşylyǧynyŋ tapsyrmasy boiynşa Respublikalyq biudjet komissiiasy 106,7 mlrd teŋgenı qūraityn 72 jobany qoldady. Atap aitqanda, 94,1 mlrd teŋge 85 myŋ oryndyq 69 mekteptıŋ qūrylysyn aiaqtauǧa jäne taǧy 12,6 mlrd teŋge 3 jaŋa nysannyŋ (ekı auysymda 1400 orynǧa arnalǧan 2 mektep jäne 200 oryndyq mektep-internat) qūrylysyn aiaqtauǧa baǧyttalady. Osylaişa, būl mehanizm üş auysymdy oqytu, apatty mektepter men oquşy oryndarynyŋ jetıspeuşılıgı mäselelerın şeşuge aitarlyqtai üles qosady»,—dep tüsındırdı basqarma.
