Şırkeude qazaqşa mınäjat oqyǧan dın qyzmetkerınıŋ memlekettık tılde söilegen jaŋa videosy tarady. Dın qyzmetkerı qazaq tıldı "Mämıle" diskussiialyq tobynyŋ müşesı. Būl jaily tıl janaşyry Vladislav Ten jazdy, dep habarlaidy "Adyrna" ūlttyq portaly.
Şırkeude memlekettık tılde mınäjat oqyp, qalyŋ qazaqtyŋ nazaryna tüsken azamattyŋ esım-coiy - İakov Voronsov.
Eldı şulatyp jürgen videodaǧy qazaqşa mınäjat oqyǧan sviaşennik İakov Voronsov, Kanat Tasibekov aǧamyzdyŋ MÄMILE qazaqşa diskussiialyq klubynyŋ müşesı. Bız ony Jaqyp dep aitamyz, - dedı V. Ten.Oraiy kelgende aita keteiık, İeromonah İakov (Vladimir Iýrevich Voronsov) 1986 jyldyŋ 20 aqpanynda Almaty qalasynda düniege kelgen. Abai atyndaǧy pedagogikalyq universitettıŋ tülegı. Dın qyzmetkerı özınıŋ feisbuk äleumettık jelısın qazaqşa, orysşa jürgızedı. Özınıŋ kezektı jazbasynda İeromonah İakov barşa mūsylman qauymyn "Qadır tünımen" qūttyqtady:
- Dostarym! Bärıne mūsylmandar qadyr tünımen qūttyqtaimyn! Raqymdyq tılemın! - dep jazdy avtor.Jurnalist Angela Mergen dın qyzmetkerınıŋ memlekettık tılge qūlşynysy jaiynda bylai dep jazady:
Qaraǧym-ai, syilastyq osyndai bolady eken...İakov Voronsov äkeimen ötken köktemde tanysqan ekem. Sol kezde qazaq tılınde būǧan deiın bır auyz söz bılmei kelgen şırkeu qyzmetkerı "memlekettık tıldı üirenemın" dep, tıl oquǧa kırısıp kettı. Sodan berı bır-aq jyl uaqyt ötıptı, äkeidıŋ qazaq tılın meŋgergenı sonşalyq, keşegı uaǧyz kezındegı dūǧalaryn qazaq tılınde oqydy!
Tılge, elge degen qūrmet osyndai bolar?! Äsırese "Men qazaqpyn" degen jazuy bar jeidelerdı kiıp, közge tüsudı jaqsy köretın keibır ataqqūmalardyŋ - nazaryna!Aitpaqşydai, İakov Voronsov būl künderı Aqtöbe oblysynyŋ şırkeulerın aralap jür. Al onyŋ qazaq tılınde oqyǧan dūǧalary äleujelıge tarap kettı. Kommentariilerdı oqysaŋyzdar - tıptı qyzyq! Äsırese bır ai būryn mäjılıste ant beru räsımınde tılı kekeştenıp, aldyndaǧy jazudy da dūrys oqi almaǧandarǧa - naǧyz sabaq!
İeromonah özınıŋ mınäjatty nelıkten qazaq tılınde oqyǧanyn aityp, sebebın tüsındırdı.
– Şırkeude būdan keiın de qazaq tılı estılgenın qalaimyn. Sebebı, bızdıŋ qauym ökılderı arasynda da, dıni qyzmetkerler arasynda da qazaqtar bar. Jäne menıŋ oiymşa, qazaqstandyq orystar da qazaq tılın bıluı kerek. Bızdıŋ hristiandardyŋ köpşılıgı orystıldı bolǧanymen, qazaqtıldı qauym arasynda bırtındep qazaqşa söilesu täjıribesın engızu kerek, -dedı ol.
"Adyrna" ūlttyq portaly
Ūqsas jaŋalyqtar
