Shirkeýde qazaqsha minájat oqyǵan din qyzmetkeriniń memlekettik tilde sóılegen jańa vıdeosy tarady. Din qyzmetkeri qazaq tildi "Mámile" dıskýssııalyq tobynyń múshesi. Bul jaıly til janashyry Vladıslav Ten jazdy, dep habarlaıdy "Adyrna" ulttyq portaly.
Shirkeýde memlekettik tilde minájat oqyp, qalyń qazaqtyń nazaryna túsken azamattyń esim-coıy - Iakov Voronov.
Eldi shýlatyp júrgen vıdeodaǵy qazaqsha minájat oqyǵan svıaennık Iakov Voronov, Kanat Tasıbekov aǵamyzdyń MÁMILE qazaqsha dıskýssııalyq klýbynyń múshesi. Biz ony Jaqyp dep aıtamyz, - dedi V. Ten.
Oraıy kelgende aıta keteıik, Ieromonah Iakov (Vladımır Iýrevıch Voronov) 1986 jyldyń 20 aqpanynda Almaty qalasynda dúnıege kelgen. Abaı atyndaǵy pedagogıkalyq ýnıversıtettiń túlegi.
Din qyzmetkeri óziniń feısbýk áleýmettik jelisin qazaqsha, oryssha júrgizedi. Óziniń kezekti jazbasynda Ieromonah Iakov barsha musylman qaýymyn "Qadir túnimen" quttyqtady:
- Dostarym! Bárine musylmandar qadyr túnimen quttyqtaımyn! Raqymdyq tilemin! - dep jazdy avtor.
Jýrnalıst Angela Mergen din qyzmetkeriniń memlekettik tilge qulshynysy jaıynda bylaı dep jazady:
Qaraǵym-aı, syılastyq osyndaı bolady eken...Iakov Voronov ákeımen ótken kóktemde tanysqan ekem. Sol kezde qazaq tilinde buǵan deıin bir aýyz sóz bilmeı kelgen shirkeý qyzmetkeri "memlekettik tildi úırenemin" dep, til oqýǵa kirisip ketti. Sodan beri bir-aq jyl ýaqyt ótipti, ákeıdiń qazaq tilin meńgergeni sonshalyq, keshegi ýaǵyz kezindegi duǵalaryn qazaq tilinde oqydy!
Tilge, elge degen qurmet osyndaı bolar?! Ásirese "Men qazaqpyn" degen jazýy bar jeıdelerdi kıip, kózge túsýdi jaqsy kóretin keıbir ataqqumalardyń - nazaryna!Aıtpaqshydaı, Iakov Voronov bul kúnderi Aqtóbe oblysynyń shirkeýlerin aralap júr. Al onyń qazaq tilinde oqyǵan duǵalary áleýjelige tarap ketti. Kommentarıılerdi oqysańyzdar - tipti qyzyq! Ásirese bir aı buryn májiliste ant berý rásiminde tili kekeshtenip, aldyndaǵy jazýdy da durys oqı almaǵandarǵa - naǵyz sabaq!
Ieromonah óziniń minájatty nelikten qazaq tilinde oqyǵanyn aıtyp, sebebin túsindirdi.
– Shirkeýde budan keıin de qazaq tili estilgenin qalaımyn. Sebebi, bizdiń qaýym ókilderi arasynda da, dinı qyzmetkerler arasynda da qazaqtar bar. Jáne meniń oıymsha, qazaqstandyq orystar da qazaq tilin bilýi kerek. Bizdiń hrıstıandardyń kópshiligi orystildi bolǵanymen, qazaqtildi qaýym arasynda birtindep qazaqsha sóılesý tájirıbesin engizý kerek, -dedi ol.
"Adyrna" ulttyq portaly
