“Qytaı qaptaıdy”, “qytaı jaýlaıdy” degen jazbalar feısbýkte qaptap ketipti. Ol keshe shyqqan “Qazaqstan men Qytaı azamattary 30 kún vızasyz júre alady” degen aqparatqa baılanysty jazylýda.
Al máselege basqa qyrynan úńilip qarasaq, eshqandaı da qytaı qaptamaıdy. 2022 jyly biz “Qytaı azamattary 14 kún vızasyz júre alatyn” ózgeris engizgenbiz. Bir jylǵa jýyq ýaqyt boldy, qaptaǵan qytaı kórmedim. Dál sol sııaqty bolady.
Qytaıdyń jalpy bizdiń azamattar úshin 30 kún vızasyz rejımge ruqsat etkeni jaqsy jańalyq. Qytaı elshiliginiń aldynda vıza alýǵa tizilip kezek turatyn. Qytaıdan kelgen qandas dostarym jeterlik, solardyń týystary, tanystary vıza alý úshin aılap qujat jınap júretin. “Ana jerden anyqtama ákel, myna jerden qujat ákel” dep shapqylaıtyn. Al endi mynaý ol azamattar úshin jaqsy jańalyq qoı. Altaıdyń arǵy betindegi qandasqa da tıimdi. Onyń ústine Qytaıǵa demalýǵa, medıınasy jaqsy bolǵandyqtan em alýǵa baratyndar da jetkilikti. Olar úshin de áýre-sarsań azaıdy. Eń tıimdisi kásipkerlerge dep oılaımyn. Ótken jyly Qazaqstan-Qytaı saýda qatynasy alǵash ret Reseıdi artta qaldyrdy. Iaǵnı biz úshin Qytaı basty ekonomıkalyq, saýda qatynastaǵy serikteske aınaldy degen sóz. Qytaıǵa kirip, kásip jasap, tabys kózin izdep, shapqylap júrgen jandarǵa ýaqyt jaǵynan da, qarjy jaǵynan da tıimdi boldy deýge bolady.
Sondyqtan máselege osy qyrynan da qaraý kerek. Emoııany jıyp qoıyp, bul jańalyqqa Qytaıǵa kirý úshin vıza alýǵa taban tozdyrǵan qazaqtyń kózimen de qaraý kerek.
