Búgin, 9 sáýirde Almatyda májilis jáne máslıhatqa ótpeı qalǵan kandıdattar men ózge de belsendiler, turǵyndar saılaý nátıjesiniń burmalanǵanyn aıtyp, mıtıngke shyqty. Alańǵa 70-ke jýyq adam jınalǵan, dep habarlaıdy “Adyrna” ulttyq portaly.
Narazylyqqa shyqqandar arasynda májilis depýtattyǵyna táýelsiz kandıdat bolǵan Muhtar Taıjan, Inga Imanbaı men Rysbek Sársenbaı bar.
Azattyqtyń málimetinshe, shamamen eki saǵatqa sozylǵan ruqsat etilmegen mıtıng sońynda qarar qabyldanyp, oǵan bes talap engizilgen:
- 19 naýryzda ótken saılaýdy zańsyz dep taný;
- "Zańsyzdyq kóp bolǵan" saılaýdyń nátıjesinde jasaqtalǵan parlament pen ol bekitken úkimetke senimsizdik bildirý,
- Almatyda Respýblıka alańyn beıbit jıyn orny retinde belgileý;
- Saıası tutqyndardy bosatý;
- Prezıdent Toqaevtan kez kelgen separatızmniń túrine tyıym salýdy talap etý.
Aıta keteıik, Almaty ákimdigi bul jıyndy ótkizýge ruqsat bermegen. Biraq belsendiler bıliktiń sheshimine qaramastan jınalatynyn aıtqan. Al prokýratýra ókili sharanyń "zańsyz" ekenin eskertip, taraýyn suraǵan.
