بۇگىن، 9 ساۋىردە الماتىدا ءماجىلىس جانە ماسليحاتقا وتپەي قالعان كانديداتتار مەن وزگە دە بەلسەندىلەر، تۇرعىندار سايلاۋ ناتيجەسىنىڭ بۇرمالانعانىن ايتىپ، ميتينگكە شىقتى. الاڭعا 70-كە جۋىق ادام جينالعان، دەپ حابارلايدى “ادىرنا” ۇلتتىق پورتالى.
نارازىلىققا شىققاندار اراسىندا ءماجىلىس دەپۋتاتتىعىنا تاۋەلسىز كانديدات بولعان مۇحتار تايجان، ينگا يمانباي مەن رىسبەك سارسەنباي بار.
ازاتتىقتىڭ مالىمەتىنشە، شامامەن ەكى ساعاتقا سوزىلعان رۇقسات ەتىلمەگەن ميتينگ سوڭىندا قارار قابىلدانىپ، وعان بەس تالاپ ەنگىزىلگەن:
- 19 ناۋرىزدا وتكەن سايلاۋدى زاڭسىز دەپ تانۋ;
- "زاڭسىزدىق كوپ بولعان" سايلاۋدىڭ ناتيجەسىندە جاساقتالعان پارلامەنت پەن ول بەكىتكەن ۇكىمەتكە سەنىمسىزدىك ءبىلدىرۋ،
- الماتىدا رەسپۋبليكا الاڭىن بەيبىت جيىن ورنى رەتىندە بەلگىلەۋ;
- ساياسي تۇتقىنداردى بوساتۋ;
- پرەزيدەنت توقاەۆتان كەز كەلگەن سەپاراتيزمنىڭ تۇرىنە تىيىم سالۋدى تالاپ ەتۋ.
ايتا كەتەيىك، الماتى اكىمدىگى بۇل جيىندى وتكىزۋگە رۇقسات بەرمەگەن. بىراق بەلسەندىلەر بيلىكتىڭ شەشىمىنە قاراماستان جينالاتىنىن ايتقان. ال پروكۋراتۋرا وكىلى شارانىڭ "زاڭسىز" ەكەنىن ەسكەرتىپ، تاراۋىن سۇراعان.
