Jelide Nartaı Aralbaıulynyń aqyn Muhtar Shahanovtan alǵan suhbatynyń úzindisi talqyǵa tústi, dep jazady "Adyrna" tilshisi. Beınede Shahanov Jambyl Jabaevqa qatysty óz shyndyǵyn aıtty.
Jambyl Jabaevqa qatysty qatty aıtqan pikirińizge ókinbeısiz be degen jýrnalıstiń suraǵyna, Shahanov esh ókinbeıtinin, bul naǵyz shyndyq ekenin málimdedi.
"Jambyldyń týǵan jerinde menimen kezdesý bolǵan bolatyn. Jambyldyń nemerelerin, shóberelerin, shópshekterin tanystyrdy. Bir kezde bir áıel shyǵyp, "Muhtar aǵa, siz shynshyl aqynsyz ǵoı, siz Jambylǵa qalaı qaraısyz" dedi. Men Jambylǵa óte úlken qurmetpen qaraımyn dedim. Qurmetpen qaraıtyn sebebim, Jambyl Stalınniń týflıin keremet sheberlikpen jalaǵan, qyrtys-qyrtysyna deıin jalaǵan dedim. Sondyqtan týflı jalaý jaǵynan Jambyl birinshi oryn aldy dedim. 99 jasqa kelgeninde týflı jalaýdan maıtalman sheber ekenin kórsetti dep edim Jambyldyń urpaqtary bastaryn tómen salyp otyryp qaldy. Sol kezde búkil el ornynan turyp qol soqty. Shyndyq bıiginen kórinińizder dedim jurtqa" dep baıandady áńgimesin Qazaqstan halyq jazýshysy Muhtar Shahanov.
Jelide taraǵan vıdeo pikirine kópshilik Shahanovtyń aıtqanyna narazylyǵyn jazdy. Endi biri aqyndy shyndyq jarshysy dep sózine sense, endi biri "Muhtar aǵadan mundaı kútpedik" dep oı bólisýde.
