Äleumettık jelı belsendısı Talǧat Būharbaev aqyn, Qazaqstannyŋ halyq jazuşysy Mūhtar Şahanov jerlengen orynnyŋ qazırgı jaǧdaiyna qatysty pıkır bıldırdı, dep habarlaidy “Adyrna” ūlttyq portaly politico.kz saityna sıltep.
Belsendınıŋ aituynşa, aqynnyŋ ziraty ornalasqan aumaq älı qorşalmaǧandyqtan, ainalasy taptalyp bara jatqan körınedı. Ol Türkıstanǧa qaityp kele jatqan jolda zirat basyna arnaiy soqqanyn jazǧan.
«Keşe keşqūrym Türkıstanǧa qaityp kele jatyp, aqyn Mūhtar Şahanūly jatqan ziratqa soqqan edık. Endı batyp bara jatqan künge bır mūnarasy şaǧylysqan ziratta Köpen Ämırbek aǧamyz jatyr eken. Jatqan jerlerı jaily, topyraǧy torqa bolsyn. Ūly aqynnyŋ basyna qyrqynda tas qoiylady deidı. Tezırek qorşap qoimasa, ainalasy taptalyp bara jatqandai körındı. Zäulım üi tūrǧyzbasa da, sol jaǧyn eskerse eken…», – dedı ol.
Jelı qoldanuşylary būl mäselege qatysty türlı pıkır bıldırdı. Keibırı uaqytşa belgı ornatylǧanyn aitsa, endı bırı zirattaǧy jazudyŋ retke keltırıluı qajet ekenın jetkızdı.
