Beibıt Tūrabaev Almaty qalasyndaǧy №3 sailau okrugynan mäjılıs deputattyǧyna ümıtker retınde baq synap jatyr. Jas kandidat özınıŋ sailaualdy baǧdarlamasy 5 bölımnen tūratynyn aitady.
«Men özımnıŋ sailaualdy baǧdarlamamda bes baǧytqa basymdyq berıp otyrmyn. Bırınşı, bilıktıŋ barlyq adamdy estuge köndıru. 2019 jyldyŋ 1 qyrküiek künı prezident Qasym-Jomart Toqaev «Halyq ünıne qūlaq asatyn Ükımet» tūjyrymdamasyn jariialady. Osydan keiın üş jyldan astam uaqyt öttı. Bıraq būl ideia tolyqqandy jüzege aspady. Mysaly pavlodarlyq qoǧam belsendısı Iýrii Pavlenko ötken jyldyŋ jazynda äleumettık jelıde Ekıbastūz JES apattyq jaǧjaida tūrǧanyn aityp, prezidentke ündeu tastady. Mūnyŋ nätijesı qandai boldy. Bilık estıdı me? Joq. Qysta JES apat bolyp, adamdar jylusyz qaldy. Men Parlamentke ötken jaǧdaida deputattyq mandatymnyŋ mümkındıkterın paidalanyp, osy bilıktıŋ halyqty şynaiy estuıne jäne köruıne bar küşımdı aiamai salamyn.
Ekınşı menıŋ maqsatym elımızdıŋ Qaruly küşterın reformalau. Qazaqstannyŋ äskeri küşı potensiialdy qauıp-qaterlerge daiyn emes. Mūnyŋ sebebı nede? Eŋ bırınşı sebep älsız qarjylandyru dep bılemın. Tıptı bızdıŋ äskeri küşımız körşıles Belarusiia, Qyrǧyzstan elınıŋ äskeri jaǧdaiynan tömen. «Öz äskerın baqpaǧan halyq, özgenıŋ äskerın baǧady» degen qanatty sözdı ūmytpauymyz kerek.
Ekınşıden, moraldık jäne tehnikalyq tūrǧydan eskırgen qaru-jaraq jäne importqa täueldılık. Qaru-jaraǧymyzdyŋ edäuır bölıgı Keŋes odaǧynan bızge mūraǧa qalǧan. Odan bölek Qazaqstan äskerınıŋ 95 paiyzdan astamy importqa täueldı jäne Resei ıs jüzınde jalǧyz jabdyqtauşy bolyp sanalady. Mūnyŋ qanşalyqty qauıptı ekenın tüsındırudıŋ qajetı oq şyǧar.
Üşınşı äskerdegı tärtıp mäselesıne nazar audaru kerek. Soŋǧy 10 jylda äskerde jarǧylyq qaǧidalarǧa qatysty 700-ge juyq qylmystyq ıs tırkelgen. Özderıŋızde jaqsy bılesızder, äskerge barǧan jas mügedek bolyp, tıptı qaitys bolyp ketıp jatyr. Mūnyŋ sebebı nede? Qorǧanys minitsrlıgı osyndai faktılerdı aşyp aityp, taza zerttep, jauapty tūlǧalardy qataŋ tärtıpke tartu kerek.
Üşınşı maqsatym memlekettık tıldı damytuǧa köŋıl bölemın. Otyz jyldyŋ ışınde bız memlekettık tıldıŋ funksionaldyǧyna qol jetıze almadyq. Ony aşyq moiyndau kerek. Qoǧamdyq qyzmettıŋ barlyq salalarynda halyqtyŋ barlyq toptaryna arasynda qazaq tılın damytu jäne därıpteu auqymdy jūmystaryn jürgızu kerek. Men kandidat retınde qazaq tılındegı oqu materialdarynyŋ sapasyn arttyru jäne qarajattyŋ jūmsaluyn qataŋ qadaǧalaudy ūsynamyn. Ekınşı memlekettık subsidiialaityn qazaq tılın oqytu ortalyqtaryn är öŋırde aşu. Üşınşı qazaq avtorlarynyŋ şyǧarmalaryn qoljetımdı etıp, älemdık ädebiettıŋ üzdık tuyndylaryn qazaq tılınde audaruǧa män beru kerek. Būdan bölek qazaq tılınde kontent jasap otyrǧan azamattardy qoldau şaralaryn jürgızu kerek.
Törtınşı maqsatym BAQ söz bostandyǧyn qamtamasyz etu. Būl öte maŋyzdy dep bılemın.
Sailaualdy baǧdarlamnyŋ besınşı baǧyty täuelsız jastardy qoldau. Jarnama turaly zaŋǧa özgerıs engızıp, qūmar oiyndarǧa tyiym salu kerek», – deidı ol.
Kandidat söz soŋynda özı sailauǧa tüsıp jatqan Almaty qalasynyŋ Alatau jäne Mūhtar Äuezov audandarynyŋ halqyn sailauǧa kelıp, özıne dauys beruge şaqyrdy. Sondai-aq ol halyqtyŋ sailauda belsendı boluy öte maŋyzdy ekenın eskerttı.
Material sailau qorynan tölendı
