«Aýyl» Halyqtyq-demokratııalyq patrıottyq partııasy QR Ortalyq saılaý komıssııasyna Qazaqstan Respýblıkasy Parlamenti Májilisine partııa atynan saılaýǵa túsetin kandıdattardyń partııalyq tizimin resmı túrde tapsyrdy. Tizimde Prezıdenttikten úmitker bolǵan Jıgýlı Daırabaev pen Qaraqat Ábden bar, dep habarlaıdy “Adyrna” ulttyq portaly.
Saıası dodaǵa partııa atynan partııalyq tizim boıynsha 25 úmitker qatysatyn bolady.
Májilis depýtattyǵyna kandıdattardyń tizimin jasaý kezinde «Qazaqstan Respýblıkasyndaǵy saılaý týraly» Zańyna sáıkes barlyq sanattyń, onyń ishinde áıelderdiń, jastardyń jáne ınklıýzıvti qoǵamnyń ókildigi qamtamasyz etildi.
Atap ótsek, usynylǵan 25 kandıdattyń ishinde 6 áıel, 1 ınklıýzıvti qoǵamnyń ókili bar. Sondaı-aq, jastar arasynan 3 adam usynylyp otyr. Iaǵnı, tizimde arnaıy kvota (36%) saqtalǵan. Kandıdattardyń ortasha jasy 43 jasty quraıdy, eń jas kandıdat 25 jasta. 2 adam 2022 jyly ótken saılaýda prezıdenttikke, 7 adam 2021 jyly ótken Májilis saılaýynda depýtatyqqa eks-kandıdat bolǵan. Sonymen qatar kandıdattardyń ishinde 15 adam beıindi agrarlyq bilimi bar jáne naqty sektordyń (óndiristiń) ókilderi.
