«AMANAT» respublikalyq sailaualdy ştabynyŋ müşelerı Aqtöbe oblysynda öŋır jūrtşylyǧymen, käsıporyndardyŋ eŋbek ūjymdarymen, därıgerlermen jäne basqalarmen kezdestı.
Öŋır jūrtşylyǧymen jüzdesuge 300-den astam adam qatysty. Onda ştab müşelerı partiianyŋ sailaualdy baǧdarlamasyndaǧy tūrǧyn üige qoljetımdılıktı, sapaly bılım berudı, infraqūrylymdy jäne jol jöndeudı qamtamasyz etuge baǧyttalǧan negızgı basymdyqtary turaly aitty.
Partiialyqtar retsız salynǧan qūrylys pen tozyǧy jetken infraqūrylym adamdardyŋ ömır süru sapasyna kerı äser etetının atap öttı.
«AMANAT» partiiasy ǧimarattardyŋ tyǧyz salynuyn jäne ülestık qūrylys mäselelerın boldyrmau üşın jaŋa «Qūrylys kodeksın» qabyldaudy qamtamasyz etedı. Bız ülestık tūrǧyn üi qūrylysyndaǧy barlyq problemalyq nysandardy paidalanuǧa beruge qol jetkızemız, jeke qūrylys kompaniialaryna äleumettık tūrǧyn üi salu üşın yntalandyrular jasaimyz. Ǧimarattardy seismometriialyq baqylau küşeitılıp, qūrylys kezınde tehnikalyq normalardyŋ saqtaluyn baqylau qamtamasyz etıledı», - dep atap öttı ştab müşesı Berdıbek Saparbaev.
Partiia aldaǧy 5 jylda öŋırde kemınde 30 myŋ otbasyn tūrǧyn üimen qamtamasyz etudı josparlap otyr. Oblystyŋ barlyq audanynda jäne Aqtöbe qalasynda 40 mektep salynyp, 160-tan astam mektep jaŋartylady, kemınde 2200 şaqyrym joldy jöndeuge qarajat bölınedı.
Būdan soŋ partiialyqtar arnaiy kiım şyǧaratyn käsıporynnyŋ eŋbek ūjymymen kezdesu ötkızdı. Salada mamandardyŋ jetıspeuşılıgı jäne tūraqty türde ūzaq merzımdı tapsyrystardyŋ bolmauy siiaqty bırqatar problema bar. Partiialyqtar jaŋa jeŋıl önerkäsıp käsıporyndaryn qūruǧa jäne olardyŋ jüktemesın yntalandyruǧa niettı ekenın atap öttı.
Ştab müşelerı öŋırdegı mädeniet jäne sport qyzmetkerlerımen mädeni mūrany saqtau jäne salauatty ömır saltyn nasihattau mäselelerın talqylady.
Aqtöbe ferroqorytpa zauytynyŋ qyzmetkerlerımen kezdesude ştab müşelerı jūmysşylardyŋ müddelerı men qūqyqtaryn qorǧau partiianyŋ negızgı basymdyqtarynyŋ bırı ekenın alǧa tartty.
Aldaǧy 5 jylda öŋırde 105 myŋ jaŋa jūmys ornyn aşu jäne 55 käsıporynda qūral-jabdyqtardy jaŋǧyrtu josparlanuda. Partiialyqtar ziiandy jäne qauıptı öndırısterde jūmys ısteitın jūmysşylardyŋ zeinetke erte şyǧu mümkındıgıne qol jetkızetın bolady.
Aqtöbe oblysynyŋ medisinalyq qauymdastyǧymen kezdesude partiialyqtar densaulyq saqtau jüiesın tübegeilı jaqsartuǧa qol jetkızu şaralaryn talqylady. Aldaǧy bes jylda öŋırde 42 densaulyq saqtau nysany salynady, onyŋ ışınde oblystyq qan ortalyǧynyŋ qūrylysy da josparlanyp otyr.
Daiyndaǧan: "AMANAT" partiiasynyŋ baspasöz qyzmetı Tapsyrys beruşı: M.J. Ospanov “AMANAT” partiiasynyŋ sailau qory qarajaty esebınen tölendı.
