"Ädılettı Qazaqstannyŋ basty talaby - ädıl sailau boluy tiıs. Eger būrynǧydai būrmalaular bolsa, onda Qaŋtar – Nauryzǧa ūlasyp ketuı bek mümkın… “Nūr Otanǧa” 80-90 paiyz dauys bergenıne kım senedı? El sene me? Özderı de senbeidı bilıktıŋ!". Būl pıkırdı QR Parlamentı Mäjılısınıŋ deputaty Qazybek İsa aitty, dep jazady "Adyrna" ūlttyq portaly.
"Osydan ekı apta būryn Senat otyrysynda prezident Toqaev Parlamenttıŋ rölı artyp kele jatqanyn atap ötıp, aldaǧy sailaudyŋ aşyq ta adal ötuı tiıstıgıne ülken män berdı. Iаǧni Ädılettı Qazaqstannyŋ basty talaby - ädıl sailau boluy tiıs. Ädıldık jaily aitqanda, bız eŋ aldymen Qaŋtar qasıretınen qandai sabaq aldyq? Qandai qorytyndy şyǧardyq? Mūnyŋ bärın aldymyzdaǧy Parlament sailauy aiqyn körsetedı! İä, sailau ädıl de, aşyq ötuı tiıs! Eger būrynǧydai būrmalaular bolsa, onda Qaŋtar – Nauryzǧa ūlasyp ketuı bek mümkın… Iаǧni, memlekettıŋ taǧdyry bilıktıŋ ädıldıgıne bailanysty öz qolynda tūr. Ädıl memleket boluy üşın eŋ aldymen ädıl sailau boluy tiıs. Bız būnyŋ bärın qauıp etkennen aityp jatyrmyz. Öitkenı, būǧan deiıngı sailaulardyŋ qalai ötkenın öte jaqsy bılemız. Iаǧni, «Sailau maŋyzdy emes, sanau maŋyzdy bolǧan» degen talai sailau basymyzdan ötken. Şyndyǧyn aitaiyq! Osy 30 jyl boiy eldı ädıletsızdık pen jemqorlyq jaulap alsa da, qanşama ekonomikalyq daǧdarystar, devalvasiia, infliasiia bolsa da, sailau saiyn bilık partiiasy “Nūr Otanǧa” 80-90 paiyz dauys bergenıne kım senedı? El sene me? Özderı de senbeidı bilıktıŋ!", - deidı Mäjılıs deputaty.Äigılı Avraam Linkolnnıŋ «Sailau biulletenı oqtan da küştı»-deidı. Iаǧni būrynǧy sailaularymyz halyqtyŋ jüregıne qadalǧan oq bolyp qadalǧany anyq.
"Mysaly, 2007 jyly parlamentke tek qana “Nūrotandyqtar" ǧana 100 paiyz ötken. Sol sailaudy bız qatty synap jazǧanbyz. «Elbasyǧa degen el senımıne nükte qoiylǧan sailauy boldy» dep. Sondyqtan da, Prezidenttıŋ ädıl sailau ötu turaly ūstanymyn "Aq jol" qoldaidy jäne köp jyldar boiy aşyq ta adal sailauda "memlekettık bilıktıŋ bırden-bır bastauy - halyq" degen Konstitusiianyŋ 3-babyn tolyq ıske asuyn talap etıp keledı. Erekşe nazar audaratyn mäsele — eşqandai sailau komissiiasy müşelerı biudjettık mekeme qyzmetkerlerı bolmauy tiıs. 2017 jyldan bastap, bız talai ret Ortalyq sailau komissiiasy men internetke tıkelei aşyq transliasiia jasap, är sailau uchaskesıne beinebaqylau engızu jaily talai ūsynys jasaǧanbyz. Sonda, sailau komissiialary da, baqylauşylar da, kez-kelgen azamat ta sailaudyŋ ädıl bolǧandyǧyna, zaŋ būzuşylyqtardy anyqtap, jolyn kesuge jäne saiasi bäsekelestık küşeigen saiyn küşeie beretın janjaldy basuǧa mümkındık beredı. Mūndai baqylau dauys berudıŋ aşyq eŋ jaqsy kepılı. Sailaudyŋ qorytyndysyna el senım artady. Beinebaqylau kameralaryn bet älpettı avtomatty tanu jüiesımen jabdyqtau bırneşe sailau uchaskelerınde dauys beretın «karuselderge» tosqauyl qoiady", - deidı Qazybek İsa.Deputattyŋ aituynşa, dauys sanau kezınde baqylauşylarǧa är biulleten belgısı däl körınetındei jaqyn jerden körsetıluı kerek.
"Būl biulleten arqyly dauystardy qaita sanauǧa mümkındık beredı. Būl şara öte maŋyzdy, öitkenı biulletenderdıŋ bärı joiylyp ketetının bılemız, al beinejazba būl Ortalyq sailau komissiiasynyŋ serverınde saqtalyp qalady. Būl şeşım köp kümän tuǧyzbai, qoǧam men bilık arasyndaǧy senımdılıktı arttyrady. Alaida, "Aq joldyŋ" osy jäne 60-tan astam ūsynystaryna Ükımet pen bilık partiiasy, basqa da fraksiialardaǧy ärıptesterımız qarsy şyǧyp, ötkızbei keledı. Būndai beinebaqylau köp elderde bar. Qyrǧyzstan 10 jyl būryn engızgen. Ükımet videomonitoringten bas tartuǧa syltau etıp otyrǧan qarjylyq şyǧyn talai baǧdarlamalarǧa jūmsalǧan şyǧynnan artyq emes jäne azamattardyŋ öz memleketıne degen senımınıŋ artuymen bırden aqtalady. Memleketke el senımı men qoǧamnyŋ tūraqtylyǧy qajet pe? Qajet bolsa, sailau ädıl ötuı üşın türlı syltaularmen kedergı jasamai, osy ūtymdy ūsynystardy qabyldauy qajet! «Aq jol» elımızdegı barlyq sailauda sailau uchaskelerınde beinemonitoring engızudı qaita ūsynady. Ädıl sailau boluy üşın būdan basqa jol joq!", - deidı Mäjılıs deputaty.
"Adyrna" ūlttyq portaly
