"Ádiletti Qazaqstannyń basty talaby - ádil saılaý bolýy tıis. Eger burynǵydaı burmalaýlar bolsa, onda Qańtar – Naýryzǵa ulasyp ketýi bek múmkin… “Nur Otanǵa” 80-90 paıyz daýys bergenine kim senedi? El sene me? Ózderi de senbeıdi bıliktiń!". Bul pikirdi QR Parlamenti Májilisiniń depýtaty Qazybek Isa aıtty, dep jazady "Adyrna" ulttyq portaly.
"Osydan eki apta buryn Senat otyrysynda prezıdent Toqaev Parlamenttiń róli artyp kele jatqanyn atap ótip, aldaǵy saılaýdyń ashyq ta adal ótýi tıistigine úlken mán berdi. Iaǵnı Ádiletti Qazaqstannyń basty talaby - ádil saılaý bolýy tıis. Ádildik jaıly aıtqanda, biz eń aldymen Qańtar qasiretinen qandaı sabaq aldyq? Qandaı qorytyndy shyǵardyq? Munyń bárin aldymyzdaǵy Parlament saılaýy aıqyn kórsetedi! Iá, saılaý ádil de, ashyq ótýi tıis! Eger burynǵydaı burmalaýlar bolsa, onda Qańtar – Naýryzǵa ulasyp ketýi bek múmkin… Iaǵnı, memlekettiń taǵdyry bıliktiń ádildigine baılanysty óz qolynda tur. Ádil memleket bolýy úshin eń aldymen ádil saılaý bolýy tıis. Biz bunyń bárin qaýip etkennen aıtyp jatyrmyz. Óıtkeni, buǵan deıingi saılaýlardyń qalaı ótkenin óte jaqsy bilemiz. Iaǵnı, «Saılaý mańyzdy emes, sanaý mańyzdy bolǵan» degen talaı saılaý basymyzdan ótken. Shyndyǵyn aıtaıyq! Osy 30 jyl boıy eldi ádiletsizdik pen jemqorlyq jaýlap alsa da, qanshama ekonomıkalyq daǵdarystar, devalvaııa, ınflıaııa bolsa da, saılaý saıyn bılik partııasy “Nur Otanǵa” 80-90 paıyz daýys bergenine kim senedi? El sene me? Ózderi de senbeıdi bıliktiń!", - deıdi Májilis depýtaty.
Áıgili Avraam Lınkolnniń «Saılaý bıýlleteni oqtan da kúshti»-deıdi. Iaǵnı burynǵy saılaýlarymyz halyqtyń júregine qadalǵan oq bolyp qadalǵany anyq.
"Mysaly, 2007 jyly parlamentke tek qana “Nurotandyqtar" ǵana 100 paıyz ótken. Sol saılaýdy biz qatty synap jazǵanbyz. «Elbasyǵa degen el senimine núkte qoıylǵan saılaýy boldy» dep. Sondyqtan da, Prezıdenttiń ádil saılaý ótý týraly ustanymyn "Aq jol" qoldaıdy jáne kóp jyldar boıy ashyq ta adal saılaýda "memlekettik bıliktiń birden-bir bastaýy - halyq" degen Konstıtýııanyń 3-babyn tolyq iske asýyn talap etip keledi. Erekshe nazar aýdaratyn másele — eshqandaı saılaý komıssııasy músheleri bıýdjettik mekeme qyzmetkerleri bolmaýy tıis. 2017 jyldan bastap, biz talaı ret Ortalyq saılaý komıssııasy men ınternetke tikeleı ashyq translıaııa jasap, ár saılaý ýchaskesine beınebaqylaý engizý jaıly talaı usynys jasaǵanbyz. Sonda, saılaý komıssııalary da, baqylaýshylar da, kez-kelgen azamat ta saılaýdyń ádil bolǵandyǵyna, zań buzýshylyqtardy anyqtap, jolyn kesýge jáne saıası básekelestik kúsheıgen saıyn kúsheıe beretin janjaldy basýǵa múmkindik beredi. Mundaı baqylaý daýys berýdiń ashyq eń jaqsy kepili. Saılaýdyń qorytyndysyna el senim artady. Beınebaqylaý kameralaryn bet álpetti avtomatty taný júıesimen jabdyqtaý birneshe saılaý ýchaskelerinde daýys beretin «karýselderge» tosqaýyl qoıady", - deıdi Qazybek Isa.
Depýtattyń aıtýynsha, daýys sanaý kezinde baqylaýshylarǵa ár bıýlleten belgisi dál kórinetindeı jaqyn jerden kórsetilýi kerek.
"Bul bıýlleten arqyly daýystardy qaıta sanaýǵa múmkindik beredi. Bul shara óte mańyzdy, óıtkeni bıýlletenderdiń bári joıylyp ketetinin bilemiz, al beınejazba bul Ortalyq saılaý komıssııasynyń serverinde saqtalyp qalady. Bul sheshim kóp kúmán týǵyzbaı, qoǵam men bılik arasyndaǵy senimdilikti arttyrady. Alaıda, "Aq joldyń" osy jáne 60-tan astam usynystaryna Úkimet pen bılik partııasy, basqa da frakııalardaǵy áriptesterimiz qarsy shyǵyp, ótkizbeı keledi. Bundaı beınebaqylaý kóp elderde bar. Qyrǵyzstan 10 jyl buryn engizgen. Úkimet vıdeomonıtorıngten bas tartýǵa syltaý etip otyrǵan qarjylyq shyǵyn talaı baǵdarlamalarǵa jumsalǵan shyǵynnan artyq emes jáne azamattardyń óz memleketine degen seniminiń artýymen birden aqtalady. Memleketke el senimi men qoǵamnyń turaqtylyǵy qajet pe? Qajet bolsa, saılaý ádil ótýi úshin túrli syltaýlarmen kedergi jasamaı, osy utymdy usynystardy qabyldaýy qajet! «Aq jol» elimizdegi barlyq saılaýda saılaý ýchaskelerinde beınemonıtorıng engizýdi qaıta usynady. Ádil saılaý bolýy úshin budan basqa jol joq!", - deıdi Májilis depýtaty.
"Adyrna" ulttyq portaly
