"Adyrna" ulttyq portaly jahandyq úrdisterdi oqyrmandarǵa jedeǵabyl jetkizý jolynda ǵylym jańalyqtaryn qalt jibermeýge tyrysady. Adam keıipti reseılik robot áleýmettik jeli arqyly oqyrmandardyń suraqtaryna jaýap berdi. Ol kezekti oqyrmanyn kútpegen jerden sastyryp, "aıaqqa turyp ketkende" arnaıy jolyǵatynyn aıtty, dep habarlaıdy "Adyrna" ulttyq portaly "Dailystar"-ǵa silteme kórsete otyryp.
«Adyrna» ulttyq portaly jahandyq úrdisterdi oqyrmandarǵa jedeǵabyl jetkizý jolynda ǵylym jańalyqtaryn qalt jibermeýge tyrysady. Adam keıipti reseılik robot áleýmettik jeli arqyly oqyrmandardyń suraqtaryna jaýap berdi. Ol kezekti oqyrmanyn kútpegen jerden sastyryp, «aıaqqa turyp ketkende» arnaıy jolyǵatynyn aıtty, dep habarlaıdy «Adyrna» ulttyq portaly «Dailystar»-ǵa silteme kórsete otyryp.
«Promobot» birlestiginiń Perm ólkesindegi beldi ınjenerleri Aleks atty jasandy zerdeni jasap shyǵardy. Ol adam keıipti týyndy, tipten, óz oqyrmandarynyń úıine «aıaqqa turyp ketkesin» arnaıy kirip shyǵatynyn da aıtty.
Búkil álem boıynsha fılıaldary bar kompanııanyń týyndysy kórermenderdi tań qaldyrdy, shynaıy adamsha tolǵanyp, suraqqa jaýap bergeninen sekem alyp, seskengender kóp.
Vıdeoda adam júzdi robot ózine qoıylǵan suraqtarǵa jyldap jaýap qatyp, keleshekte júre alatynyn da aıtty. Tipti, kóńili kúpti kórermenge «sálem salatynyn» aıtyp, ýaǵda berdi.
Aleks óz oqyrmandaryna júgingen kezde qoldaryn qozǵaltyp, ernin jybyrlatyp, kózin jypylyqtatty. Klıp 1600-den astam lúpil jınady.
- «Joq, men áli júre almaımyn. Biraq robot ınjenerleri men úshin aıaq jasap jatyr. Men jaqyn arada sizge barýym múmkin», - dedi temir adam.
Tyń salada ózindik qoltańba qaldyrǵan jasaýshylar:
- «Biz ony jetildirip jatyrmyz. Alekstiń sizben júzdeskenin qalaısyz ba?» - dedi tosynnan.
Záresi ushqan oqyrmandar bylaı dedi:
Alǵashqy qoldanýshy: «Muny toqtatyńyz, ótinemin, men qorqamyn» dep jazdy.
Taǵy bireýi: «Men Alekstiń júrgenin asyǵa kútemin», - dep túsindirdi.
Úshinshisi: «Olar adamzatty baqylaý úshin robottarǵa adam sanasyn júktegisi keledi», - dedi.
«Ony joıyńyz! Siz tym uzaqqa shaptyńyz! Barmaǵymyzdy tistep qalmaıyqshy kúni erteń», - dep jazdy tórtinshi.
"Adyrna" ulttyq portaly
