Jaqynda äleumettık jelılerde jasandy intellekt (Jİ) turaly zaŋ jobasy talqyǧa tüstı. Köpşılık arasynda onyŋ mümkındıkterı men qaupı jönınde ärtürlı pıkırler aityluda. Osyǧan bailanysty belgılı qoǧam belsendısı Meiırjan Äuelhanūly öz közqarasyn bıldırıp, Jİ-dı tejeu emes, kerısınşe, ony tiımdı paidalanu maŋyzdy ekenın atap öttı, dep habarlaidy "Adyrna" ūlttyq portaly.
Onyŋ pıkırınşe, Qazaqstan Jİ-dı qoldanu mümkındıgın jıberıp alsa, tehnologiialyq damu jaǧynan älemnen qalyp qoiuy mümkın. Meiırjan Äuelhanūly keibır deputattardyŋ “Jİ Qazaqstannyŋ mäselelerın bılıp, bızden ozyp ketedı” degen pıkırın synǧa aldy.
“Jİ – jau emes, ol qazırdıŋ özınde bükıl älem moiyndaǧan, igılık pen damudyŋ quatty qūraly. Damyǧan elder ony medisinada, bılım berude, öndırıste, tıptı memlekettık basqaruda keŋınen qoldanyp jatyr. Qazaqstan üşın eŋ maŋyzdysy – būl tehnologiiany qalai tiımdı ärı qauıpsız paidalanu kerektıgın anyqtau boluy tiıs”, – dep jazdy ol.
Meiırjan Äuelhanūlynyŋ aituynşa, Qazaqstanda Jİ zertteu ortalyqtaryn aşu, osy saladaǧy mamandardy daiarlau, startaptar men käsıpkerlerge qoldau körsetu maŋyzdy. Onyŋ oiynşa, Jİ-ge zaŋmen tyiym salu nemese ony şekteu – qate şeşım, öitkenı tehnologiia damuyn tejesek, elımızdıŋ bolaşaqtaǧy bäsekege qabılettılıgıne qauıp tönedı.
Qazırgı uaqytta AQŞ, Qytai, Japoniia, Singapur siiaqty memleketter Jİ-dı ūlttyq strategiiasynyŋ ajyramas bölıgı retınde qarastyryp, būl salaǧa ülken investisiia qūiyp jatyr. Qazaqstan da osy baǧytta naqty qadamdar jasauy kerek.
Qazır Qazaqstanda Jİ turaly zaŋ jobasy äzırlenıp jatyr. Meiırjan Äuelhanūly zaŋ jobasynyŋ jūmys tobyna kıretının jäne osy mäselege qatysty ūsynystardy jetkızuge daiyn ekenın aitty.
“Jİ-dı qoldanudan qoryqpai, ony tereŋ tüsınıp, kündelıktı ömırge beiımdesek, Qazaqstan jaŋa tehnologiialyq däuırde öz ornyn tabady”, – dep qorytyndylady ol.
Ūqsas jaŋalyqtar
