Jaŋa jyl qarsaŋynda Almatyda elımızdıŋ är öŋırınen jinalǧan talantty jastardy bırıktırgen AUYL SPORT-2024 respublikalyq turnirı öz märesıne jettı. «Halyk» qaiyrymdylyq qory ūiymdastyrǧan būl auqymdy joba auyldan şyqqan balalarǧa ülken mümkındıkter syilap, olardyŋ daryndaryn körsetuıne jol aşty.
AUYL SPORT jobasy üş ai būryn bastau aldy. Jobanyŋ alǧaşqy kezeŋınde elımızdıŋ 200 auylynan 12 myŋnan astam bala men jasöspırım qatysqan oblystyq ırıkteu turnirlerı öttı. Finalǧa är oblystyŋ eŋ üzdık sportşylary jinaldy. Turnirdıŋ negızgı maqsaty – auyl balalaryna senım ūialatyp, ülken jetıstıkterge bastau bolatyn mümkındıkter beru.
«AUYL SPORT – būl jai jarys emes, auyl balalarynyŋ jaŋa kökjiekterın aşatyn şabyt alaŋy. Bız olardyŋ armanyn qoldaimyz jäne bolaşaǧyna senemız», – deidı «Halyk» qorynyŋ Almaty filialynyŋ direktory Ǧalymbek Jaqsylyqov.Turnirdıŋ finalynda sportşylar boks, küres, karate, basketbol, voleibol jäne şahmat boiynşa baq synady. Būl jarysqa qatysuşylardyŋ köbısı üşın ülken arenaǧa şyǧu – alǧaşqy täjıribe.
«Auyl balalaryna ırı turnirlerge qatysu qiynǧa soǧady. Sondyqtan «Halyk» qorynyŋ qoldauy olardyŋ sporttaǧy alǧaşqy qadamyn jasauyna mümkındık berdı. Bızdıŋ Olimpiada chempiondarynyŋ köpşılıgı auyldan şyqqanyn ūmytpauymyz kerek», – deidı erkın küresten Bas töreşı Berık Şalabaev.Finaldyq kezeŋde Türkıstan oblysynan kelgen jas paluan Samir Rahmanaliev jeŋımpaz atanyp, quanyşymen bölıstı.
«Men öz atymdy, auylymnyŋ atyn asqaqtata alǧanyma şeksız quanyştymyn! Būl men üşın eŋ ülken sporttyq ıs-şara boldy. Emosiialarymdy sözben aityp jetkızu mümkın emes!» - dedı ol.13 jastaǧy Atyrau oblysy, Tasqala audanynyŋ jas sportşysy Serık Ämır erkın küresten 35 kg salmaqta jüldelı bırınşı oryndy jeŋıp alyp, özınıŋ jetıstıgımen bölıstı.
«Men 6 jyldan berı erkın kürespen ainalysyp kelemın. Būǧan deiın Özbekstan men Belarus elderınde ötken jarystarǧa qatysyp, jüldelı oryndarǧa ie bolǧanmyn. Būl turnir de men üşın jemıstı boldy», - dep quandy Qazaqstannyŋ erkın küresten chempiony.AUYL SPORT jobasy «Halyk» qorynyŋ auyldyq jerlerdegı būqaralyq sportty damytuǧa baǧyttalǧan negızgı bastamalarynyŋ bırı. Tek osy jobaǧa 500 million teŋge bölınıp, balalardyŋ sportqa degen qyzyǧuşylyǧyn arttyruǧa jaǧdai jasaldy.
«Bızdıŋ maqsatymyz – qai jerde tūratynyna qaramastan barlyq balalarǧa teŋ mümkındıkter jasau. Mūndai bastamalar jas ūrpaqtyŋ özıne degen senımın nyǧaityp, ömırdegı ülken jetıstıkterge jol aşady», – deidı Ǧalymbek Jaqsylyqov.AUYL SPORT jobasy auyl balalaryna käsıbi sport älemımen tanysuǧa mümkındık berıp, olardyŋ armandaryna qanat bıtırdı. Turnir tek jarys emes, balalar men olardyŋ otbasylary üşın ömırdı özgertetın jaŋa qadam boldy. Ūiymdastyruşylardyŋ sözınşe, turnir bolaşaq chempiondardy tärbieleudıŋ maŋyzdy alaŋyna ainaldy. AUYL SPORT – auyldan ülken armanǧa jol aşatyn platforma. Jas sportşylardyŋ tabysy olardyŋ tabandylyǧy men küş-jıgerınıŋ jemısı ekenın körsettı. AUYL SPORT – Qazaqstannyŋ jarqyn bolaşaǧyn qalyptastyratyn ūrpaqqa senım men şabyt syilaǧan joba boldy.
Ūqsas jaŋalyqtar
