Memlekettık keŋesşı Erlan Qarinnıŋ töraǧalyǧymen 2026 jylǧy Qazaqstan Respublikasynyŋ Abai atyndaǧy ädebiet pen öner salasyndaǧy memlekettık syilyǧyn beru jönındegı komissiianyŋ alǧaşqy otyrysy öttı, dep habarlaidy "Adyrna".
Jiyn barysynda komissiia müşelerı ädebiet pen öner salalary boiynşa ūsynylǧan jūmystardy qarap, konkurstyq ırıkteudıŋ kelesı kezeŋıne ötetın ümıtkerlerdı anyqtady.
Otyrysta Abai atyndaǧy memlekettık syilyqqa ūsynylǧan 32 jūmys talqylandy. Būl marapat ädebiet pen öner salasyndaǧy üzdık tuyndylar men şyǧarmaşylyq jetıstıkterdı qoldauǧa baǧyttalǧan elımızdegı eŋ bedeldı memlekettık syilyqtardyŋ bırı bolyp sanalady.
Komissiia müşelerı Qazaqstan Respublikasy Premer-ministrınıŋ orynbasary – Mädeniet jäne aqparat ministrı Aida Balaevanyŋ baiandamasyn tyŋdady. Ministr biylǧy baiqauǧa ūsynylǧan jūmystar turaly aqparat berıp, olardyŋ konkurstyq räsımderden ötu barysyna toqtaldy.
Komissiia qūramyna ädebiet, mädeniet jäne öner salasyndaǧy belgılı qoǧam jäne şyǧarmaşylyq qairatkerlerı engen. Dauys beru nätijesınde konkurstyq ırıkteudıŋ kelesı kezeŋıne ötetın ümıtkerler anyqtaldy.
Endı ümıtkerlerdıŋ jūmystary belgılengen tärtıpke säikes jan-jaqty qaralyp, saraptamadan ötedı.
Aita keteiık, Abai atyndaǧy ädebiet pen öner salasyndaǧy memlekettık syilyq ūlttyq mädeniettı damytuǧa, qalamgerler men öner qairatkerlerınıŋ eŋbegın qoldauǧa jäne qoǧamdaǧy şyǧarmaşylyq qūndylyqtardy därıpteuge baǧyttalǧan. Būl marapat şyǧarmaşylyq qauymdastyq üşın eŋ joǧary memlekettık baǧalardyŋ bırı sanalady.
