Memleket basshysy Qasym-Jomart Toqaev qazaqstandyqtardy Alǵys aıtý kúnimen quttyqtady. Bul týraly Aqorda. jarııalady, dep habarlaıdy “Adyrna” ulttyq portaly.
“Qurmetti otandastar!
Sizderdi Alǵys aıtý kúnimen shyn júrekten quttyqtaımyn!
Bul merekede ultymyzdyń salt-sanasynda berik qalyptasqan dostyq, qaıyrymdylyq jáne yntymaq syndy myzǵymas qundylyqtar keńinen dáripteledi.
Alǵys aıtý kúni qıyn-qystaý zamandarda da meıirimdilik pen janashyrlyq tanyta bilgen ári birligin bekem etken halqymyzdyń izgi qasıetterin jadymyzda jańǵyrtady.
Buryn-sońdy bolmaǵan jahandyq syn-qaterler jáne elimizdegi aýqymdy ózgerister kezeńinde árbir azamattyń el bolashaǵy úshin jaýapkershilik tanytýy jáne ózara qoldaý kórsetýi asa mańyzdy.
Búgingi meıramda adal eńbegi, jasampazdyǵy men otanshyldyǵy úshin barsha halqymyzǵa shynaıy rızashylyǵymdy bildiremin.
Biz elimizdiń aýyzbirshiligin saqtaı bilsek, kez kelgen qıyndyqty eńseremiz. Ádiletti Qazaqstandy quryp, elimizdi odan ári órkendete beremiz dep senemin.
Barshańyzǵa zor densaýlyq, baq-bereke jáne tolaǵaı tabys tileımin!”,- dedi Prezıdent.
