Memleket basşysy Qasym-Jomart Toqaev Türkiia Prezidentı Rejep Taiip Erdoǧanmen kezdestı. Būl turaly Aqorda mälımdedı, dep habarlaidy ”Adyrna” ūlttyq portaly.
Qasym-Jomart Toqaev Ankaraǧa jūmys sapary barysynda Türkiia Prezidentı Rejep Taiip Erdoǧanmen kezdesu ötkızdı. Memleket basşysy qonaqjailyq körsetıp, qūrmetpen qarsy alǧany üşın Rejep Taiip Erdoǧanǧa rizaşylyǧyn bıldırdı.
Memleket basşysy, eŋ aldymen, joiqyn jer sılkınısınen zardap şekken Türkiia halqyna köŋıl aitty.
«Marqūmdardyŋ tuǧan-tuystaryna, Özıŋızge jäne bükıl Türkiia halqyna taǧy da köŋıl aitamyn. Türkiia – ärqaşan qiyndyqqa qarsy tūra bılgen memleket. Sızder mol täjıribe men el bırlıgınıŋ arqasynda būl qiyndyqty eŋserıp şyǧasyzdar dep senemın», – dedı Qasym-Jomart Toqaev.Prezident qauıp-qaterge qaşan da daiyn bolu kerek ekenın atap ötıp, tötenşe jaǧdailar salasyndaǧy yntymaqtastyqty damytudyŋ maŋyzdylyǧyna toqtaldy. Osy oraida «Apat jäne tötenşe jaǧdailar menedjmentı, gumanitarlyq kömek» taqyrybynda ötıp jatqan sammittı öte qajettı ıs-şara dep esepteitının jetkızdı.
«Tabiǧi apat kezınde memleketterdıŋ bır-bırıne kömek körsetuı asa maŋyzdy. Būǧan osy joly taǧy da közımız jettı. Bauyrlas el qiyndyqqa tap bolǧanda türkı jūrty auyzbırşılık pen janaşyrlyqtyŋ ozyq ülgısın körsettı. Qazaqstan da türık bauyrlarǧa bırden qol ūşyn sozdy», – dedı Memleket basşysy.Sonymen qatar Prezident Türkiia Qazaqstannyŋ basty sauda serıktesterınıŋ bırı ekenın aitty.
«Türkiia Qazaqstannyŋ basty bes sauda serıktesınıŋ qataryna kıredı. Byltyr ekı el arasyndaǧy sauda ainalymy 33 paiyzǧa ösıp, 6,3 milliard dollarǧa jettı. Būl – jüielı jūmystyŋ nätijesı. Qazaqstannyŋ tauarlaryn Türkiia naryǧyna köptep şyǧaruǧa mümkındık bar», - dedı Memleket basşysy.Qasym-Jomart Toqaev türık investorlarynyŋ Qazaqstandaǧy jobalaryn qoldauǧa daiyn ekenın jetkızdı. Sondai-aq kezdesu barysynda «Orta dälız» dep atalatyn Transkaspii halyqaralyq kölık baǧyty asa maŋyzdy röl atqaratyny söz boldy. Qazaqstan tarapy äleuetı mol osy kölık-logistikalyq baǧdardy damytu üşın ortaq infraqūrylymdyq jobalardy jüzege asyruǧa daiyn ekenın mälımdedı. Öz kezegınde Rejep Taiip Erdoǧan şaqyruyn qabyl alyp, Ankaraǧa kelgenı üşın Qasym-Jomart Toqaevqa alǧys aitty.
«Türkiiaǧa kelgenıŋızge quanyştymyn. Alapat jer sılkınısınen 49 myŋ adam qaza tapty. Osyndai qiyn sätte alǧaşqy bolyp telefon şalǧan älemdık köşbasşylardyŋ bırı özıŋız boldyŋyz. Qazaqstannyŋ qūtqaruşylary zardap şekken azamattarymyzdy qūtqaruǧa atsalysty. Bız şynaiy bauyrmaldyqty sezındık», – dedı Türkiia Prezidentı.
Ūqsas jaŋalyqtar
