Qazaqstan 2025 jyly benzinnıŋ bölşek baǧasynyŋ ösuı boiynşa Euraziialyq ekonomikalyq odaq elderı arasynda bırınşı oryn aldy. Būl turaly Euraziialyq ekonomikalyq komissiia derekterıne süiengen Orda.kz jazdy, dep habarlaidy "Adyrna".
Qaŋtar–jeltoqsan aralyǧynda janarmai baǧasy janarmai qūiu beketterınde 15,7%-ǧa ösken. Ekınşı orynda – Qyrǧyzstan (15,1%), üşınşı orynda – Resei (10,8%). Belaruste baǧa 6,7%-ǧa östı, al Armeniiada kerısınşe 0,8%-ǧa tömendedı. EAEO boiynşa ortaşa ösım 11,1% boldy.
Ailyq körsetkış boiynşa da (jeltoqsan qaraşamen salystyrǧanda) Qazaqstanda benzin baǧasy 0,4%-ǧa qymbattap, būl da Odaqtaǧy eŋ joǧary nätije sanaldy.
Dizel otyny bır jylda 14,1%-ǧa qymbattap, būl körsetkış te müşe elder arasynda eŋ joǧary boldy. Odan keiın Qyrǧyzstan (11,1%), Resei (8,3%), Belarus (6,6%) jäne Armeniia (–0,9%). EAEO boiynşa ortaşa ösım 8,8%-dy qūrady.
Qazaqstannyŋ köşbasşy boluyna ötken jyldyŋ qaŋtarynda benzin men dizel baǧasyn yryqtandyru yqpal ettı. Sol kezde ükımet bölşek baǧalardy rettemeitının, bıraq olardyŋ kürt ösuıne jol bermeitının mälımdegen.
Qazan aiynda tūtynuşylyq infliasiianyŋ jedeldeuı aiasynda Energetika ministrlıgı janarmai qūiu beketterındegı baǧany odan ärı köteruge moratorii engızdı. Bastapqyda būl şekteu 2026 jyldyŋ nauryzynyŋ soŋyna deiın jalǧasady dep josparlanǧan, alaida vise-ministr Qaiyrhan Tūtqyşbaev aqpan aiynyŋ ortasynda «moratoriidı alyp tastau mäselesı äzırge qarastyrylyp jatqan joq, şeşımdı ükımet qabyldaidy» degen bolatyn.
Elektr energiiasynyŋ qymbattauy jaǧynan Qyrǧyzstan (20,9%) bırınşı orynda. Ekınşı orynda - Resei (13,1%), üşınşı orynda - Belarus (11,9%), al Qazaqstan - törtınşı orynda (8%). Armeniiada ösım 0,1% boldy, jalpy EAEO boiynşa – 12,6%.
Sonymen qatar dollarmen eseptegende Qazaqstandaǧy benzin baǧasy EAEO ışınde eŋ tömen deŋgeide qalyp otyr: litrı $0,46. Salystyrmaly türde Reseide – $0,82, Qyrǧyzstanda – $0,87, Belarusta – $0,88, Armeniiada – $1,38.
Kelesı jyldan bastap EAEO aiasynda mūnai men mūnai önımderınıŋ bıryŋǧai naryǧy ıske qosyluy tiıs. Būl müşe elderdegı baǧa deŋgeiın teŋestıruge äkeluı mümkın. Qazırgı uaqytta Qazaqstannyŋ Energetika ministrlıgı benzin men dizel eksporttauǧa, sonyŋ ışınde EAEO elderıne de, aldyn ala kelısılgen şaǧyn kölemderden basqa jaǧdaida, tyiymdy saqtap otyr.
