Almaty qalasy, Qarasaı aýdany, Jańaturmys aýylynyń turǵyndary jer máselesine qatystty aryzyn aıtty, dep habarlaıdy “Adyrna” tilshisi.
Redakııamyzǵa jetken málimetterge súıensek, turǵyndar birneshe jyl buryn zańdy túrde memleketten alǵan, qujaty tolyq jerlerin paıdalana almaı otyr. Almaty qalasynyń jer resýrstaryn basqarý komıteti 300 turǵynnyń jerdi satyp alý qujattaryn zańsyz dep tanyp, shaǵym túsirgen. Turǵyndar bizdiń konstıtýııalyq quqyǵymyz taptaldy dep ashynyp otyr:
“Atalmysh jer buryn sharýa qojalyǵy bolǵan. Úkimetten jeke adamdar arqyly satylym zańdy túrde jasalady. Solaısha 268 ga jer 4 massıvke bólinip, biz zańdy túrde satyp aldyq. Qolymyzda barlyq memlekettik akt, satyp alý qujattary túgel. Endi kelip jer resýrstaryn basqarý komıteti sol qujattarymyzdy joqqa shyǵaryp, jerdi tartyp almaqshy. Bizdiń qolymyzda memlekettik mór basylǵan qujattar tur. Komıtet kelip jaı ǵana jerdi memleketke qaıtaryp bermek. Tólem jasaý týraly eshqandaı áńgime aıtylmady. Sonda Almaty qalasynyń jer resýrstaryn basqarý komıteti memlekettik qujatty syılamaǵany ma?” dedi Jańaturmys turǵyny Aıdana Bolat.
Turǵyndardyń aıtýynsha, Almaty qalasy jer resýrstarynyń komıteti 300 memlekettik akt ıesiniń kelisim-sharttaryn, úı salýǵa ruqsat qaǵazdaryn da jaramsyz etken.
Bas kótergen jer ıeleri memleket basshysy Qasym-Jomart Toqaevtan, QR Konstıtýııasynan arasha suraýda.
Jer daýyna qatysty sot Jańaturmys aýylynda, juma kúni ótetini aıtyldy.
