Qazaqstan men Fransiia arasyndaǧy joǧary bılım jäne ǧylymi zertteuler salasyndaǧy yntymaqtastyq turaly deklarasiiaǧa qol qoiyldy

Bügın Parij qalasynda (Fransiia) joǧary bılım jäne ǧylymi zertteuler salasyndaǧy yntymaqtastyq turaly Deklarasiiaǧa qol qoiyldy. Qūjatqa Qazaqstan Respublikasy Ǧylym jäne joǧary bılım vise-ministrı Quanyş Erǧaliev pen Fransiia Respublikasynyŋ Europa jäne Syrtqy ıster ministrlıgı janyndaǧy Syrtqy sauda, ekonomikalyq tartymdylyq jäne şeteldegı fransuz azamattary jönındegı ministr-delegat Olive Beşt qol qoidy. Qazaqstan men Fransiia ekı eldıŋ universitetterı men ǧylymi-zertteu instituttary arasyndaǧy yntymaqtastyqty damytu turaly kelısım jasasty. Ekı el bırlesıp, bılım beru jäne qos diplomdyq baǧdarlamalardy jüzege asyruǧa qoldau körsetedı. Sondai-aq keleşekte Sorbonna-Qazaqstan institutyn transformasiialau boiynşa jūmysty odan ärı jalǧastyru josparlanuda. Qazaqstan men Fransiia arasyndaǧy akademiialyq ūtqyrlyq pen ǧylymi yntymaqtastyq bailanys aiasynda ekı el de student, oqytuşy, zertteuşı jäne maman almastyru ısın odan ärı jalǧastyrady.

«Bız Fransiiamen aradaǧy deklarasiiaǧa qol qoidyq. QR Ǧylym jäne joǧary bılım ministrlıgı «Bolaşaq» baǧdarlamasynyŋ tızımıne jaŋa fransuz universitetterın engızu mümkındıgın qarastyruǧa daiyn. Fransiiada taǧylymdamadan ötu üşın bız Qazaqstan men Fransiia mekemelerı arasynda «500 ǧylymi taǧylymdama» atty baǧdarlamany bırlesıp nasihattaudy jön körıp otyrmyz. Magistranttar men doktoranttarǧa arnalǧan «Abai-Vern» şäkırtaqylyq baǧdarlamasy odan ärı jalǧasady. Sonymen qatar Fransiianyŋ Ortalyq Aziiany zertteu instituty qazaqstandyq jäne fransiialyq ümıtkerler üşın gumanitarlyq jäne äleumettık ǧylymdar salasyndaǧy ǧylymi ūtqyrlyq baǧdarlamalaryna qoljetımdılıktı jeŋıldetetın bolady», – dedı ministr Saiasat Nūrbek.

Ministrdıŋ aituynşa, atalmyş Deklarasiia Qazaqstan men Fransiia arasyndaǧy joǧary bılım jäne ǧylymi zertteuler salasyndaǧy ekıjaqty qarym-qatynastardy damytuǧa yqpal etedı.