**Qazaqstandyq boksşy Evgenii Pavlov amerikalyq qarsylasymen bolǧan qyzyqty dialogty bölıstı**
Qazaqstandyq boksşy Evgenii Pavlov amerikalyq Antonio Danton Elmen bolǧan äŋgımenı äleumettık jelıde jariialady, dep habarlaidy "Adyrna".
Esterıŋızge sala keteiık, Pavlov pen Eldıŋ jekpe-jegı keşe AQŞ-tyŋ Baltimor qalasynda öttı. Alty raundtyŋ qorytyndysy boiynşa Qazaqstan atynan öner körsetken sportşy ūpai sany boiynşa senımdı jeŋıske jettı. Jeŋılısten keiın amerikalyq boksşy äzılge toly stories jariialaǧan, alaida Pavlov oǧan baisaldy jauap qaitardy.
"Men şynymen de reseilıkpen töbelesıp, aman qaldym", – dep äzıldedı El.
"Men reseilık emespın. Men – qazaqpyn, bauyrym", – dep jauap berdı Pavlov.
"O, keşırım ötınemın, dosym", – dep amerikalyq özınıŋ qatelıgın moiyndady.
Aita keteiık, 26 jastaǧy Evgenii Pavlov käsıpqoi bokstaǧy mansabyn 2020 jyly bastaǧan. Sol uaqyttan berı ol qatarynan 11 jeŋıske jetıp, onyŋ segızın merzımınen būryn aiaqtaǧan.
