Aimaǧambetov: "Zäulım kottedj, biznesım joq! Qyzmetten abyroimen kettım" (VİDEO)

"Memlekettık qyzmette bolǧanymda kädımgıdei bızdıŋ köpşılıktıŋ ömırımen ömır sürdım. Sol dükenderge baratynmyn. Tūrmysta da däl sondai. Mysaly, jūmysta keş qalyp qoisam, jürgızuşımdı erterek jıberıp,  taksi ala salatynmyn. Sebebı, onyŋ da otbasy bar.  Demalys künderı öz kölıgımmen jüretınmın. Kömekşılerım eşqaşan menıŋ portfelderımdı, papkamdy ūstap, esıktı aşyp körgen joq.  Baratyn jerıme özım jalǧyz bara salamyn. Qai jerge barsam da, kömekşılerım janymda jürmeitın. Sondyqtan ondai bır qyzmettegı baiaǧydan qalyptasyp qalǧan adaptasiia qajet etetın eşqandai sezım bolǧan joq", - deidı eks-ministr. 

"Zäulım kottedj, biznesım joq. Universitet, kolledj, mektepterım joq. Basqa da osy bılım salasy bolsyn, jalpy ondai tırşılıkpen eger sen 3 jyl 7 ai boiy künı-tünı memlekettıŋ qyzmetımen ainalyssaŋ, eger ūiyqtasaŋ da, tūrsaŋ da basyŋda osy mäseleler bolsa, onda būndai jeke basyŋdy oilaityn uaqyt bolmaidy", - dep jauap berdı Aimaǧambetov. 

"Men osy 3 jyl 7 ai boiy "Qyzmetke kelu bır, al qyzmetten abyroimen ketu bar" degendı eşqaşan esımnen tastaǧan joqpyn. Prezidenttıŋ senımın aqtau, halyqtyŋ senımın aqtau, erteŋ halyqtyŋ batasyn alu... Qyzmetke kelu oŋai dep aita almaimyn. Bıraq qyzmetke kelesıŋ. Eŋ basty mäsele - sol qyzmetten abyroimen ketu. Men qyzmetten abyroimen kettım dep şükırşılık etemın. Būl är adam üşın ülken baqyt dep sanaimyn. Sondyqtan būl tūrǧyda eşqandai ökınış joq, bolmauy da kerek",-  deidı Aimaǧambetov. 

"Adyrna" ūlttyq portaly