Astanada ötken ıs-şara qazaq tılındegı IT-kontenttı damytuǧa baǧyttaldy.
«Startuphana IT salasynda qazaq kontentın damytu, qazaq tıldı IT-mädeniettı qalyptastyru jolynda eŋbektenıp jürgen aqparattyq tehnologiialar calasynyŋ mamandary men käsıpkerler qauymdastyǧyn qoldau maqsatynda ötkızıldı. Qazaqşa IT-önımderdıŋ qoǧamnan öz ornyn aluy, azamattardyŋ talǧamynan şyǧuy – startaptardyŋ bäsekege qabılettı ekenın bıldıredı. Osy rette, bızdıŋ talantty jastarymyzdyŋ IT-salasyna ūmtylyp jatqandyǧy qatty quantady», - dedı forumnyŋ aşylu saltanatynda sifrlyq damu, innovasiialar jäne aeroǧaryş önerkäsıbı ministrı Baǧdat Musin.Forumda tabysty startapşylar men IT-mamandar, blogerler men motivatorlar biznes jäne DIGITAL salasyndaǧy täjıribesımen bölısıp, startaptar, marketing, NFT jäne t.b. taqyryptardy talqylady. Mäselen, 2016 jyly şetelge ketıp, Kremnii alqabyn baǧyndyrǧan IT-maman, qazırde AQŞ-ta äigılı LinkedIn jelısınde aǧa injener qyzmetındegı Maqsat Qadyrov IT-salada jetıstıkke jetu täjıribesı turaly prezentasiiasyn qazaqtyŋ maqal-mätelderı negızınde ūsyndy.
«Qazır bızdıŋ elde aiti-mamandar üşın türlı qūraldar bar, jaqsy jaǧdai jasalǧan. Mysaly, Astana hab - sondai qūraldardyŋ bırı. Eger būryn osyndai mümkındıkter bolǧanda, men basqa elge ketpes te edım. «Esıŋ barda, elıŋdı tap» degendei, men LinkedIn-nen ketemın dep şeştım, qaitadan Qazaqstanǧa oralamyn», - dep, aldaǧy jūmys josparymen bölısken Maqsat Qadyrovtyŋ sözın jastar qoşemetpen qabyldady.Sonymen qatar spikerlerdıŋ qatarynda «Qamalladin Media» iesı jäne negızın qalauşy Abylaihan Qamalladin; Yessen & Company halyqaralyq konsaltingtık firmasynyŋ basqaruşy serıktesı Azat Esenov; TTS būlttyq jäne sputniktık tehnologiialardyŋ önım menedjerı Jıger Qairatūly; kontent-meiker, käsıbi fotograf, bloger Farhad Moldaş; tanymal instagram jäne youtube-bloger Bırjan Äşım jäne t.b. boldy. IT-aǧartuşy, qazaq tılındegı «IT-tırlık» jurnalynyŋ avtory jäne qūrastyruşysy Timur Bektūr AQŞ-tyŋ Boston qalasynan onlain qosylyp, innovatorǧa ainalu joldary turaly äŋgımeledı. Al Astana Hub qyzmetkerlerı Däulet Beimurzinov men Äşımbek Äbılǧazinov IT-startap jasau barysynda qajetke jaraityn oqytu baǧdarlamalary turaly baiandady.
«Startuphana – būl qazaq tılınde ötıp jatqan elımızdegı alǧaşqy ırı IT-festival, sondyqtan būl ıs-şaraǧa qatysu men üşın ülken märtebe. Aldaǧy uaqytta bızdıŋ ortaq bolaşaǧymyzǧa oŋ äserın tigızer osyndai ıs-şaralar köbırek ūiymdastyrylady degen ümıttemın», - dedı forum spikerlerınıŋ bırı, QR ŪB blokchein ortalyǧynyŋ basşysy Aidana Qasqyrbek.«Startuphana turaly äleumettık jelıden bıldım jäne osynda kelgenıme quanyştymyn. Sebebı bügıngı spikerlerdı tyŋdap, IT-salasynda qandai mümkındıkter bar ekenın bıldım jäne özımnıŋ bolaşaǧyma qajettı baǧdar aldym», - deidı forum qatysuşysy Äli Qonysov. Eske salsaq, STARTAPHANA Digital Fest-ın Astana Hub halyqaralyq IT-startaptar tehnoparkı QR Sifrlyq damu, innovasiialar jäne aeroǧaryş önerkäsıbı ministrlıgınıŋ qoldauymen ūiymdastyrdy.
"Adyrna" ūlttyq portaly
Ūqsas jaŋalyqtar
#ǧylym
bılım
forum
halyqaralyq baiqau
strategiia
didjital
sandyq tehnologiialar
tehnokratiia
IT-festival
Startuphana
