Toqaev endi qazaqtyń nesibesin urlap-jyrlaıtyndardyń basyna áńgirtaıaq oınatyp, qamshy úıirmek. Ulttyq aqparat keńistiginde Qazaq eliniń Prezıdenti Qasym-Jomart Toqaevtyń ulttyq qundylyqtarǵa mańyz tanytyp, dyraý qamshy [úlken qamshy] satyp alǵan vıdeosy tarady, dep habarlaıdy "Adyrna" ulttyq portaly.
Qasym-Jomart Toqaevtyń sátti saýdasyna qatysty aqpar aıtyp, erekshe pikir bildirgendiń qatarynda jýrnalıst Dıas Nuraqyn da bar. Ol:
- Qasym-Jomart Toqaev qamshy satyp aldy. Endi jumys istemeıtin, tapsyrmany oryndamaıtyn, qymbatshylyqqa jol bergen, aqsha jegen sheneýnikterdi shyqpyrtyp turyp sabaıtyn shyǵar?!
Qamshy 16 myń teńge turady eken. Prezıdent tós qaltasynan ámııanyn shyǵaryp, 20 myń teńge ustatty da, sdacha kerek emes dedi. Biz kaspıı goldpen júrsek, prezıdent áli nalıchka ustaıdy eken.
Kezinde Nazarbaev bir dúkenge kirip, aqsha tappaı, kúzetshisinen surap edi. Qazirgi prezıdenttiń qaltasynda qashanda aqsha júretin sııaqty, - dep jazdy.
Naqty aıta otyraıyq, Jambyl oblysynyń "Kóne Taraz" tarıhı-mádenı ortalyǵyndaǵy kórmege barǵan Qasym-Jomart Toqaev jergilikti qolóner sheberiniń biri jasaǵan qamshyny satyp aldy. Toqaevtyń qamshy satyp alǵan san-caqqa joryp jatqandar kóp. Olardyń deni Toqaevtyń dyr qamshymen sheneýnikterdi "kókala qoıdaı qylyp" sabaıtynyna senimdi.
"Ákimimiz nege typyrshyp tur? Jonarqadan salyp qala ma dep sasqalaqtap turǵan shyǵar";"Artynan shendi-shekpendiler sókken shyǵar. Tegin bere salmadyń ba? Uıat emes pe dep. Aqshadan óldiń be, men bere salatyn edim ǵoı. Dep Sóıtip, sóılep qoıady. Al kisi eńbegin baǵalaı bilmeıdi. Bári tegin bolý kerek. Mine osyndaı júıe, basshylar bar. Al prezıdent azamattyq jasap tur";"21 ǵasyrda áli sol qamshymen júrmiz";"Prezıdentimizdiń, basqasyn bylaı qoıyp, qamshyny qolǵa alǵanyn jaqsylyqqa jorıyn ba? Álde..." dep jazdy oqyrmandar.
"Adyrna" ulttyq portaly
