Memleket basşysy Qasym-Jomart Toqaevtyŋ töraǧalyǧymen Reformalar jönındegı joǧary keŋestıŋ kezektı otyrysy öttı. Būl turaly Aqorda mälımdedı, dep habarlaidy “Adyrna” ūlttyq portaly.
Jiynǧa Ükımet müşelerı jäne memlekettık organdardyŋ basşylary qatysty.
Eŋ aldymen, ıs-şarada elımızdıŋ äleumettık-ekonomikalyq damuyna qatysty negızgı syn-qaterler talqylandy. Jürgızılgen taldau nätijelerı jönınde Strategiialyq josparlau jäne reformalar agenttıgınıŋ töraǧasy Äset Erǧaliev baiandama jasady.
Baiandama tyŋdalǧan soŋ Prezident saiasi reformalarmen qatar ekonomikalyq jäne qūqyqtyq özgerıster de jüzege asyryluy qajet ekenın aitty. Odan bölek, Ükımet pen Strategiialyq josparlau jäne reformalar agenttıgıne Qazaqstannyŋ 2029 jylǧa deiıngı Ūlttyq damu josparyn äzırleu barysynda bügıngı talqylaudyŋ nätijelerın eskeru jönınde tapsyrma berdı.
Jiyn barysynda energetika salasy men tiımdı tarif saiasatyn damytu jönındegı şaralarǧa basa män berıldı. Būl baǧyttaǧy atqarylyp jatqan jūmystar jönınde Energetika ministrı Almasadam Sätqaliev jäne Ūlttyq ekonomika ministrı Älıbek Quantyrov baiandady.
Memleket basşysy «Tariftı investisiialarǧa aiyrbastau» baǧdarlamasyn tiımdı ärı uaqytyly jüzege asyru Ükımettıŋ basty mındetı ekenın aitty. Prezident jylu energetikasy jäne energiia jüiesınıŋ nysandary bılıktı kadrlarmen qamtamasyz etılmegenın kelesı özektı mäsele retınde atap öttı. Kadr tapşylyǧy mäselesın jedel şeşu jönınde tapsyrma berıldı.
Jiynda ūlttyq jobalardy äzırleu mäselesı de qarastyryldy. Toqaev «Jaily mektep» jäne «Auyldyq densaulyq saqtaudy jaŋǧyrtu» ūlttyq jobalaryn uaqytyly ärı sapaly jüzege asyru qajettıgıne nazar audardy.
Sonymen qatar, ıs-şara aiasynda Sifrlyq damu, innovasiialar jäne aeroǧaryş önerkäsıbı ministrı Baǧdat Musin «Qoljetımdı internet» jaŋa ūlttyq jobasy turaly baiandady. Atalǧan ūlttyq joba turaly Toqaev söz qozǧap, halyqty qoljetımdı jäne sapaly internetpen qamtamasyz etu kerek ekenın basa aitty.
Būdan bölek, jiynda densaulyq saqtau salasynyŋ infraqūrylymyn keşendı türde damytu mäselesı talqylandy. Būl mäsele boiynşa Densaulyq saqtau ministrı Ajar Ǧiniiat baiandama jasady. Qasym-Jomart Toqaev baǧdarlamany tiımdı ıske asyru jäne otandyq önımderdı keŋınen qoldanu asa maŋyzdy ekenın atap öttı.
Ūqsas jaŋalyqtar
