«Qazaq» gazetiniń murasy ǵasyrdan-ǵasyrǵa jalǵasyp, urpaq sanasynda jańǵyrady - Qarın

2908
Adyrna.kz Telegram

Búgin «Qazaq» qoǵamdyq-saıası jáne ádebı-mádenı gazetiniń jaryqqa shyqqanyna 110 jyl tolyp otyr. Osyǵan qatysty QR Memlekettik keńesshisi Erlan Qarın óziniń ınstagram paraqshasynda pikir bildirdi, dep jazady "Adyrna" ulttyq portaly. 

"Sýretshi Evgenıı Kımniń «Qazaq» gazetiniń baspahanasynda» atty týyndysy. Ahań, Álekeń, Jahańdar tuńǵysh ulttyq basylym «Qazaq» gazetiniń kezekti nómirin ázirlep, baspahanaǵa tapsyryp tur. Ústel ústinde jańa basylyp shyqqan gazet jatyr. Artqy jaqtaǵy fonda baspagerler «Qazaqtyń» tolyq tırajyn shyǵaryp tur. Ult baspasóziniń alǵashqy qadamy, irgetasy qalanyp jatqan sáti óte sátti beınelengen. Búgin bastaýynda Álıhan Bókeıhan, Ahmet Baıtursynuly, Mirjaqyp Dýlatuly turǵan «Qazaq» qoǵamdyq-saıası jáne ádebı-mádenı gazetiniń jaryqqa shyqqanyna 110 jyl tolyp otyr. «Qazaq» gazeti sol dáýirdiń minberi edi. Shákárim Qudaıberdiuly, Mustafa Shoqaı, Muhamedjan Tynyshbaıuly, Ǵumar Qarash, Maǵjan Jumabaıuly jáne basqa da zııalylar el bolashaǵy, halyq qamy týraly oılaryn osy gazette jarııalap, jurtshylyqqa jetkizip otyrdy. Sondyqtan «Qazaq» ótken ǵasyrdyń basynda shyn mánindegi ulttyń únine aınaldy. Bar-joǵy bes jyl ǵana jaryq kórse de memleket ómirinde óshpes iz qaldyrǵan «Qazaq» gazetiniń murasy ǵasyrdan-ǵasyrǵa jalǵasyp, urpaq sanasynda sát saıyn jańǵyryp otyrmaq. Uly tulǵalarymyzdyń qoltańbasy qalǵan ult basylymynyń mereıtoıy qutty bolsyn!", - dep jazdy Erlan Qarın.

"Adyrna" ulttyq portaly 

Pikirler