2022 jyldyń 19 tamyzynda Ulttyq qaýipsizdik komıteti Shekara qyzmetine qarasty Taraz qalasyndaǵy «Shóldala» shekara bóliminde boryshyn ótep júrip, sýııd jasady degen 2004 jylǵy Bekbol Mırashtyń kıimderinen Q. degen azamattyń, A. degen azamattyń jáne K. degen azamattyń sháýetteri tabyldy. Bul týraly advokat Aıman Omarova málim etti, dep habarlaıdy "Adyrna" ulttyq portaly Azattyq Ruhy saıtyna silteme jasap.
Omarovanyń aıtýynsha, sońǵy oqıǵalardan keıin sarbazdyń ata-anasy odan kómek suraǵan. Sondyqtan, iske qatysty jasalǵan barlyq sot-medıınalyq saraptamany qolyna alyp, muqııat qaraǵan jáne áleýmettik jelide tikeleı efır ótkize otyryp, Bekbol Mırashtyń fýtbolkasynan naqty esimderi jazylǵan úsh er adamnyń jáne esimi belgisiz taǵy eki er adamnyń, barlyǵy bes adamnyń bıomaterıaly tabylǵanyn ashyq málim etti.
«Meniń áriptesim (advokat Serjan Pralıev – red.) Bekbol Mırashtyń isinde ózge er adamdardyń bıomaterıaldary, ıaǵnı sháýetteri tabylǵanyn málim etken edi. Meniń aıtarym, bul – ras. Ol sot saraptama qujattarynda anyq jazylǵan fakt. Ol qujattardyń bárin qarap, men bul iste zorlyq bolǵan dep sanaımyn. Sot-medıınalyq saraptamasynan qysqasha úzindi oqyǵannyń ózinde, jaǵdaı sumdyq: qaza tapqan jigittiń aýzynan qan aralas sháýet tabylǵan. Biraq tergeý «ol jigittiń óziniń sháýeti» degen. Alaıda, ózderińiz oılańyzdarshy, bala sonda óz sháýetin óz aýzyna quıǵan ba? Jaraıdy, tergeýdiń bul áreketine kóz jumdyq deıik. Biraq bir emes, birneshe saraptama jasalǵan», - degen Aıman Omarova saraptamalarda birneshe er adamnyń bıomaterıaly tekserilgenin jáne tekserýden ótken bıomaterıaldar boıynsha sháýet naqty kimderdiki ekeni anyq jazylǵanyn aıtady.
Advokattyń málimdemesine júginsek, ol er adamdardyń bul áskerı bólimge tikeleı qatysy bar, biraq Omarova olardyń kim ekenin, ıaǵnı qatardaǵy sarbaz ba, álde áskerı bólim qyzmetkeri me, jarııa etken joq. Tek sháýeti tabylǵan adamnyń biri Bekbol Mırashtyń isinde qazir kýáger bolyp júrgeni anyq.
«Molekýlalyq-genetıkalyq saraptama bylaı dep jazady: jigittiń fýtbolkasynda kýáger Q. degen azamattyń sháýeti tabylǵan. Odan basqa kemi eki er adamnyń sháýeti tabylǵany jazylǵan. Q. degen azamatpen qatar, A. degen azamattyń jáne K.degen azamattyń bıometarıaldary tabyldy. Sonda sot-saraptama naqty úsh azamattyń bıomaterıalyn tapqan. Odan basqa taǵy eki belgisiz er adamnyń bıomaterıaly bar. Sonda bul ne bolǵany!?» - deıdi advokat.
Aıman Omarova osylaısha Mırash Bekboldyń isinde naqty zorlyq-zombylyq belgisi bar ekenin, jáne qazir kemi bes er adamnyń sháýeti boıynsha derek bar ekenin, biraq tergeý saraptamada aty aıtylyp turǵan úsh adamǵa qatysty tipti is qozǵalmaǵyn aıtyp otyr. Iaǵnı Omarova bul iste burmalaý bar bolýy múmkin ekenin jáne tergeý Mırash Bekboldy sýııdke ıtermeledi degen aıyppen qamaýda otyrǵan serjant Aıbek Nurtaevtyń isine ǵana basymdyq berip otyrǵanyn aıtty.
«Sot saraptamasy boıynsha naqty osy kisilerdiń sháýeti anyqtalǵan. Túsinesizder me!? Osynyń bárine qaramastan, tergeý isti qysqartty ma, bilmeımin, biraq bul aty aıtylǵan úsh azamatqa qatysty is tirkelmegen. Tek qana serjantqa qatysty is tirkep, sony sotqa jibergisi kelip otyr. Al serjanttyń zorlyq-zombylyqqa qatysy joq bolsa kerek, óıtkeni saraptamada oǵan qatysty málimet joq. Árıne ol serjanttyń basqa baptar boıynsha zańsyz áreketteri bar bolýy da, bolmaýy da múmkin. Ol týraly ázirge aıta almaımyn. Biraq bul sarbazdyń óliminde naqty zorlyq-zombylyq bolǵanynyń dálelderi bar jáne biz qazir istiń tek bir shetin ǵana aıtyp otyrmyz», - deıdi advokat Aıman Omarova.
Sondyqtan, bul aıtylǵandardy eskere otyryp Aıman Omarova áleýmettik jelide tikeleı efır ótkizdi, efır kezinde ol Prezıdentten kómek surady.
«Mynandaı jaǵdaı bolyp jatqan kezde áskerge senim joq bolyp tur. Prezıdentten suraıtynymyz, osy isti basqa quqyq qorǵaý organynyń tergeýine jiberý kerek, ekinshiden isti óz baqylaýyna alsa deımiz», - dedi Aıman Omarova.
"Adyrna" ulttyq portaly
