Pákistandaǵy halyqqa lyq tolǵan meshitte lańkes úlken jarylys jasady. Peshavaryn qalasyndaǵy jarylǵan jámıdiń [úlken meshit] saý-tamtyǵy joq. Oqys oqıǵa saldarynan 100-ge jýyq adam zardap shekti, dep habarlaıdy "Adyrna" ulttyq portaly "NewTimes.kz" pen Aljazeera-ǵa silteme jasaı otyryp.
Qolda bar málimet boıynsha, 17 adam qaza taýyp, 90-nan astamy jaraqat alǵan. Zardap shekkenderdiń barlyǵy aýrýhanaǵa jetkizildi.
"Ǵımarattyń bir bóligi opyrylyp tústi, astynda qalǵan birneshe adam bolý múmkin", — dep polıııa ókili Sıkandar Han oqıǵany baıandady.
Jarylys Peshevardaǵy polıııa bólimshesiniń janynda boldy. Polıııanyń málimetinshe, lańkes qýatty bombany meshittiń ishinde, birinshi qatarda turyp jarǵan.
Naýqastardyń keıbiriniń háli múshkil.
Qazir jarylys bolǵan aımaq qorshaýǵa alynyp, qalada tótenshe jaǵdaı rejımi engizildi. Jarylysty jasaýshy adamnyń lańkes ekeni anyqtaldy.
"Adyrna" ulttyq portaly
