"Sizge jan-jaqty kómek kórsetýge daıynmyn": Tursynbekova Toqaevty jeńisimen quttyqtady

2868
Adyrna.kz Telegram

Qazaqstan Prezıdenttigine úmitker Saltanat Tursynbekova Qasym-Jomart Toqaevty saılaýdaǵy jeńisimen quttyqtap, oǵan jan-jaqty qoldaý kórsetetinin málimdedi. Bul týraly inbusiness.kz habarlady, dep jazady "Adyrna" ulttyq portaly.

“Ár kandıdattyń óz jeńisi bar. Sonyń ishinde meniń jeńisim – áıel-saıasatker mártebesine jańa deńgeı bere aldym, meniń saılaý aldy baǵdarlamamnyń arqasynda alalaý men zorlyq-zombylyqty túbirimen joıý kún tártibinen túsken joq. Elektoraldy kampanııadaǵy ár adamnyń júregine jol taptym degen senimdemin, tikeleı efırdi paıdalanyp, halyq aldynda bergen ýádelerimniń barlyǵyn oryndaıtynymdy taǵy qaıtalap aıtqym keledi. Ár kezdesýde áleýmettik mańyzy bar máselelerdi, azamattardyń ómir sapasyn jaqsartý  máselesin kóterdim. Mundaı kezdesýler az bolǵan joq. Qasym-Jomart Kemeluly,  sizdi nyq jeńisińizben shyn júrekten quttyqtaımyn. Óz josparlaryńyzdy júzege asyrýda  tabys tileımin! Óz tarapymnan sizge jan-jaqty kómek kórsetýge daıynmyn”, - dedi Saltanat Tursynbekova.

"Adyrna" ulttyq portaly 

Pikirler