Lýkashenko óz joldaýynda Ýkraınadaǵy qaqtyǵysqa qatysty arnaıy pikir bildirdi. Ol batysqa qarata sóz sóılep, "janynyń barynda" bitimge kelýge shaqyrdy. Eger batys taǵy aldap-sýlap, mundaı tamasha múmkindikti ýysynan shyǵaryp alatyn bolsa, olardy "baıytylǵan ýranmen" tópeleıtinin habarlady, dep jazady "Adyrna" ulttyq portaly.
Aleksandr Lýkashenko óz halqyna joldaýynda tutas batysqa qarata habarlandyrý aıtyp, Ýkraınadaǵy qaqtyǵysta ózara bitimge kelýdi usyndy. Onyń sózinshe, batys bulǵaqtaýsyz, bura tartpadan, naqty talaptar tóńireginde bitimge kelýi tıis.
- Qarqyndy soqqymyz bastalmaı turǵanda, ıaǵnı tap qazir barlyǵyn doǵarǵan durys. Áskerı qaqtyǵysty toqtatýǵa qatysty usynysymdy aıtýǵa oqtalyp otyrmyn. Áskerdi jyljytý men qarý-jaraq, tehnıkany tasymaldaýdy toqtatyp, bitimge kelý kerek. Eger muny batys taǵy aılaǵa buryp, aldap-cýlaý úshin qoldansa, Reseı óz áskeriniń bar qarqynyn batysty japyryp ótýge jumsaıdy. Baıytylǵan ýran men shıratylǵan ýrannyń kúshine júginedi. Áskerı adamdar meniń ne aıtpaq bolǵanymdy jaqsy túsinýi tıis, - dep jóńkildi Lýkashenko.
Oraıy kelgende aıta keteıik, joǵarǵy dárejede baıytylǵan ýran ıadrolyq qarý daıyndaýǵa qoldanylady.
"Adyrna" ulttyq portaly
