AQSh-tyń Leık-Plesıd qalasynda ótip jatqan Ýnıversıadada qazaqstandyq sportshy "altyn" medal jeńip aldy, dep habarlaıdy “Adyrna” ulttyq portaly.
Erler arasynda bıatlonnan 15 shaqyrymǵa jeke jarys ótti. Qazaqstan namysyn Aleksandr Mýhın, Vadım Kýrales, Kırıll Baýer jáne Bekentaı Turlybek qorǵady.
Vadım Kýrales eń úzdik nátıje kórsetip, Qazaqstan qorjynyna alǵashqy medal saldy. Otandasymyz qashyqtyqty 42:37.4 sekýndta eńserdi.
Kúmis medal norvegııalyq Erıan Mosengke (+42.6) buıyrsa, franýz Aksel Garne (+1:16.5) qola júldeger atandy.
Eske sala keteıik, Ýnıversıada AQSh-tyń Leık-Plesıd qalasynda ótip jatyr. Oǵan álemniń 50 elinen stýdentter qatysýda.
Qazaqstannyń namysyn sporttyń on túrinen 78 sportshy qorǵaıdy. Stýdentter bıatlon, snoýbord, shańǵy, taý shańǵysy, short-trek, mánerlep syrǵanaý, shańǵy qossaıysy, konkı, shańǵymen tramplınnen sekirý jáne shaıbaly hokkeı sekildi sport túrlerinen baq synaıdy.
