Bishkekte ótken halyqaralyq týrnırde qazaq balýandary tórt medal jeńip aldy. Bul týraly sportty damytý dırekııasynyń baspasóz qyzmeti málimdedi, dep habarlaıdy “Adyrna” ulttyq portaly.
Málimet boıynsha, Qazaqstan quramasy eki altyn, bir kúmis jáne bir qola medal jeńip alǵan.
Osylaısha Bishkekte Qojamqul Qabauly men Rátbek Sanatbaev atyndaǵy kúresten reıtıngtik týrnırdiń úshinshi kúni aıaqtaldy.
Áıelder kúresinen 55 keli salmaqta Marına Sedneva, 72 keli salmaqta Jámılá Baqbergenova jeńiske jetti. 65 keli salmaqta synǵa túsken Irına Kazıýlına kúmis júldeni jeńip aldy. Erkin kúresten 97 keli salmaqta Nursultan Azov qola medalǵa ıe boldy, - dep habarlady dırekııadan.
