2023 jyly Joşy hannyŋ Ūlytauda taqqa otyrǧanyna 800 jyl tolady. Qazaq memleketı tarihyndaǧy eldık maŋyzy erekşe zor būl mereitoi memlekettık deŋgeide toilanuy tiıs! Būl pıkırdı aqyn Qazybek İsa feisbuk paraqşasyna jariialady, dep habarlaidy “Adyrna” ūlttyq portaly.
Qazybek İsa öz paraqşasyna QR Prezidentı Q. Toqaev basqarǧan QR Ūlttyq Keŋesınıŋ 2019 jylǧy 06 qyrküiektegı bırınşı otyrysyndaǧy baiandamasynan üzındı jariialady.“Altyn Ordanyŋ atasy Joşy hannyŋ tūlǧasyn asqaqtatu –tügel türkıge ortaq igılıktı ıs. Alyp imperiianyŋ alǧaşqy astanasy Saraişyq ta, Altyn Ordanyŋ tızgının balasy Batu hanǧa tapsyrǧan äkesı ūly han Joşy da Qazaq jerınde jatyr… Joşy – Şyŋǧys hannyŋ bäibışesı, qazaq qyzy qoŋyrat Börteden tuǧan tūŋǧyş ūly.1.Joşy hannyŋ Ūlytauda ūlyq ūlystyŋ taǧyna otyrǧanyna 2023 jyly 800 jyl tolady. Qazaq memleketı tarihyndaǧy eldık maŋyzy erekşe zor būl mereitoi memlekettık deŋgeide toilanuy tiıs! Mıne, Qazaqstan Prezidentı aitqandai, Joşy hanǧa älem nazaryn naǧyz audarar kezeŋ bastaldy deuge bolady.
2.Osyndai älem tarihyndaǧy salmaǧy orasan saŋlaq tūlǧalar men maŋyzy zor qalalar özge bır eldıŋ enşısınde bolsa ne bolar edı... Ärıge barmai-aq, kışkentai Moŋǧoliianyŋ özı Joşy hannyŋ äkesı, älemdı bilegen Şyŋǧys han arqyly dünie jüzıne dübırın tanytyp jatyr... Mümkın bız de Şyŋǧys hannyŋ alyp eskertkışındei Joşy hanǧa da odan kem emes kemel eskertkış keşenın tūrǧyzarmyz. Ol keşende Şyŋǧys hannyŋ da, Batu hannyŋ da, Börtenıŋ de eskertkışı tūrsa, tıptı keremet bolar edı. Al Ūlytauda mazary jatqan Joşy hannyŋ eskertkışın Qazaqstan prezidentı Qasym-Jomart Toqaev tūrǧyzyp jatsa, ūlt ruhy dür sılkıner dübırlı dünie bolar edı... Joşy hannyŋ kielı kesenesı men keleşek keremet keşenı älem saiahatşylaryn tartyp tūrar tarihi da, tartymdy da, tamaşa orynǧa ainalar edı... Öitkenı, Ūlytauda Joşy handy ūlyqtau Altyn ordany asqaqtatuǧa bastaidy.3.Memleket basşysynyŋ Altyn ordanyŋ 750 jyldyǧyn merekeleu turaly eldık maŋyzy erekşe baǧaly bastamasyna ūlt ziialylary ne deidı? Qazaq tarihynda, aŋyzy men küilerınde orny bar Altyn Orda men Joşy han tūlǧasy kinomyzda qalai körınıs tappaq? Ädebietımız ben mädenietımızde, ǧylym men beineleu önerınde qalai beinelenbek? Ruhymyzdy köterer alyp imperiia Altyn Ordamyzdyŋ tarihyn kündelıktı när berer ruhani ainalymǧa qalai qosamyz? İä, mektep pen joǧary oqu oryndary oqulyqtarynda būl baǧaly da, baiandy taqyrypqa basty nazar audaru kerek.
- Qazaq tarihyn naqty da, şynaiy derekter negızınde qaita jazatyn uaqyt keldı.”,- dedı aqyn.
