Sóziniń pátýasy joq "Vladımır Solovevpen ótken kesh" baǵdarlamasynyń qonaǵy, Kremldiń bulbuly Evgenıı Satanovskıı Qazaqstannyń aýmaǵynda "amerıkandyq bıozerthanalar" bar dep efır barysynda jalań málimdeme jasady, dep habarlaıdy "Adyrna" ulttyq portaly.
"Ýkraınadaǵy áskerı-bıologııalyq zerthanalardy eske túsireıik. Olar jetkilikti. Onda olar da, aǵylshyndar da, nemister de jumys istedi. Biz únemi esten shyǵaryp alatyn Qazaqstandaǵy zerthanalar she?", - dedi E. Satanovskıı.
Satanovskıı óz sandyraǵyna senip, mıyǵynan bir kúlip aldy. Keıinnen óz ótirigine ózi ılana almaı, biraz dalaqtady.
"Bul qalaı bolǵany? Qazaqstan jáne Amerıka Biraq Ýkraınada da olar bar. Ekeýi Qazaq elinde. Sondyqtan tikeleı qaqtyǵys bolatyny sózsiz", - dedi saıasattanýshy.
Qazaq eliniń ulttyq biregeıligi artyp, ulttaný úrdisi jetilgen saıyn syrtqy taraptan aqparattyq shabýyldardyń artýy qalypty jaǵdaıǵa aınaldy. Degenmen, Qazaq eli biregeıligi, táýelsizdik urpaqtarynyń aqyl-parasaty, ıntellektisiniń arqasynada syrtqy tasyrǵa toıtarys berip, ulttyq maqsat-muratyna qol jetkizip keledi.
"Adyrna" ulttyq portaly
