Prezıdent Ákimshiligi Basshysynyń orynbasary – Prezıdenttiń Baspasóz hatshysy Rýslan Jeldibaı Qazaqstannyń odaqtas memleketterge qatysty kózqarasy týraly pikir bildirdi, dep habarlaıdy «Adyrna» tilshisi.
Aıtýynsha, Qasym-Jomart Toqaev Máskeý qalasynda ótken II Eýrazııalyq ekonomıkalyq forýmynda birqatar málimdeme jasady.
«EAEO aıasyndaǵy ıntegraııa tek qana ekonomıkalyq sıpatta ǵana júrýi kerek. Bul – Prezıdenttiń negizgi ustanymy. Onyń sheńberinen shyǵý uıymnyń jarǵylyq qujattarynyń maqsattaryna, prınıpteri men mindetterine qaıshy keledi.
Prezıdent atap ótkendeı, ekonomıkalyq ıntegraııa – bul túpki maqsat emes, ol ekonomıkany damytýdyń jáne halyqtarymyzdyń ál-aýqatyn arttyrýdyń negizgi quraldarynyń biri. Iaǵnı, uıym aıasynda qabyldanatyn kez kelgen sheshim onyń árbir múshesine jáne, eń aldymen, olardyń azamattaryna paıdasyn tıgizýi tıis»,—dedi Rýslan Jeldibaı.
Ol túrli deńgeıdegi ıntegraııa máselesine de toqtaldy.
«Búginde EAEO-nyń eki múshesi – Reseı men Belarýs ózara yqpaldastyqtyń joǵary deńgeıine shyqty. Bul – erekshe preedent. Memleket basshysynyń paıymynsha, shyn máninde, bir halyq jáne bir memleket týraly sóz bolyp otyr. Osy rette múlde basqa maqsattardy kózdegen eki túrli ıntegraııalyq joba sheńberindegi bastamalardyń ara-jigin ajyratý asa mańyzdy.
Bizdiń elimizge keletin bolsaq, Qazaqstan qandaı da bir odaqtas memleketter qurýǵa nemese olardyń quramyna kirýge nıetti emes jáne ony josparlap otyrǵan joq»,—dep túıindedi Prezıdenttiń Baspasóz hatshysy.
