AQSh-tyń Reseıge qarsy kezekti ekonomıkalyq sankııasy
AQSh prezıdenti Djo Baıdenniń tapsyrmasymen búgin Reseıdiń 32 jeke jáne zańdy tulǵalary sankııaǵa ilindi. Vashıngton men Nıý-Iork qalalarynan Reseıdiń dıplomattary men elshileri qýyldy.
Sonymen qatar, Aq Úı memlekettik departamenttermen, saýda mınıstrligimen birlese otyryp, amerıkalyq kompanııalardan Reseıdiń memlekettik qaryzdaryna, kompanııalaryna sankııalar salyp, Reseı bankiniń qarjylyq aǵymdaryna tosqaýyl qoıýdy tapsyrdy.
AQSh-tyń memlekettik ulttyq qaýipsizdik keńesiniń basshysy Djeık Sallıvan muny Reseıdiń Amerıkadaǵy prezıdent saılaýyna kedergi jasap, ártúrli kıbershabýyldar jasaýymen de baılanystyrdy.
AQSh-tyń Reseıge salynyp otyrǵan osy jolǵy sankııasy óte joǵary masshtabta bolyp otyr. Reseılik tarap bul sankııalarǵa biz de jaýap beremiz dep málimdedi. Aq Úı Ýkraınanyń terrıtorııalyq tutastyǵyn saqtaýǵa, Donbass pen Qyrym Ýkraınanyń sýverenıtetine kiretinin, ári Ýkraınany sońyna deıin qoldaıtynyn aıtty.
AQSh Reseıdiń "Nıýsfront", "Inforos", Southfront sııaqty aqparattyq mádenı strategııalyq qorlaryna da sankııa jarııalady.
Personaldy sankııalar "Mostotresta", "Lenpromtransproekta" sııaqty alyp zaýyttar men "Tommot" qurylys dırekııasyna, Qyrymdaǵy jer qatynastary basshysy Larısa Kýlınıchke, Qyrymnyń IID basshysy Pavel Karandaǵa, sonymen qatar birneshe laýazymdy tulǵalardy tizimge aldy.
Kreml qazir AQSh-tyń ekonomıkalyq sankııalaryn halyqaralyq dıplomatııaǵa kereǵar dep aıyptap, qarsy jaýap qaıtarýǵa daıyndalyp jatyr. Reseıdiń rýbli toqyraýǵa ushyrap, quldyrap jatyr. Rýblge kindigimen baılanǵan bizdiń teńgeniń kúni endi ne bolar eken... Qazaqstandaǵy úı men kóliktiń baǵasynyń kókke órlep, qymbattap jatqany osy sankııalarǵa tikeleı baılanysty.
Bekbolat QARJAN,
"Adyrna" ulttyq portaly
