Ýkraınadan Almatyǵa evakýaııalanǵan erli-zaıyptylar ata-ana atandy. Bul týraly “Adyrna” ulttyq portaly Almaty arnasyna silteme jasap habarlaıdy.
Búgin Ýkraınadan 155 qazaqstandyq elge oraldy. Olardyń jeteýi – sábı. Bul áskerı qımyldar júrip jatqan aımaqtan kelgen tórtinshi evakýaııalyq reıs. Barlyǵy 580-nen astam azamat elge oralyp úlgerdi.
Otanyna oralǵandardyń arasynda almatylyq otbasy da bar. Ýkraınadan evakýaııalaý kezinde Baýyrjan Igilikov pen onyń áıeli ata-ana atandy. Ata-anasy da, balasy da Qazaqstanǵa kelip úlgerdi. Sábı aman-esen dúnıege keldi. Erli-zaıyptylardyń aıtýynsha, olar balany 8 jyl kútken.
"Áıelim jolda bosandy. Dálirek aıtsaq, evakýaııa kezinde Hmelnıkıı perzenthanasynda bosandy. Áıelim júktiliktiń qyrqynshy aptasynda edi, dárigerler ony qabyldaýǵa kelisti. Bastapqyda ol Kıevte bosanýy kerek bolǵan. Biraq bizdi qabyldaýdan bas tartyp, olardyń ǵımaratyna shabýyl jasalýy múmkin ekenin eskertti. Keıin osy perzenthanaǵa zymyrandyq shabýyl jasalǵanyn bildik", - dedi Almaty turǵyny Baýyrjan Igilikov.
”Adyrna” ulttyq portaly
