ءسوزىنىڭ ءپاتۋاسى جوق "ۆلاديمير سولوۆەۆپەن وتكەن كەش" باعدارلاماسىنىڭ قوناعى، كرەملدىڭ بۇلبۇلى ەۆگەني ساتانوۆسكي قازاقستاننىڭ اۋماعىندا "امەريكاندىق بيوزەرتحانالار" بار دەپ ەفير بارىسىندا جالاڭ مالىمدەمە جاسادى، دەپ حابارلايدى "ادىرنا" ۇلتتىق پورتالى.
"ۋكرايناداعى اسكەري-بيولوگيالىق زەرتحانالاردى ەسكە تۇسىرەيىك. ولار جەتكىلىكتى. وندا ولار دا، اعىلشىندار دا، نەمىستەر دە جۇمىس ىستەدى. ءبىز ۇنەمى ەستەن شىعارىپ الاتىن قازاقستانداعى زەرتحانالار شە؟", - دەدى ە. ساتانوۆسكي.
ساتانوۆسكي ءوز ساندىراعىنا سەنىپ، ميىعىنان ءبىر كۇلىپ الدى. كەيىننەن ءوز وتىرىگىنە ءوزى يلانا الماي، ءبىراز دالاقتادى.
"بۇل قالاي بولعانى؟ قازاقستان جانە امەريكا بىراق ۋكراينادا دا ولار بار. ەكەۋى قازاق ەلىندە. سوندىقتان تىكەلەي قاقتىعىس بولاتىنى ءسوزسىز", - دەدى ساياساتتانۋشى.
قازاق ەلىنىڭ ۇلتتىق بىرەگەيلىگى ارتىپ، ۇلتتانۋ ءۇردىسى جەتىلگەن سايىن سىرتقى تاراپتان اقپاراتتىق شابۋىلداردىڭ ارتۋى قالىپتى جاعدايعا اينالدى. دەگەنمەن، قازاق ەلى بىرەگەيلىگى، تاۋەلسىزدىك ۇرپاقتارىنىڭ اقىل-پاراساتى، ينتەللەكتىسىنىڭ ارقاسىنادا سىرتقى تاسىرعا تويتارىس بەرىپ، ۇلتتىق ماقسات-مۇراتىنا قول جەتكىزىپ كەلەدى.
"ادىرنا" ۇلتتىق پورتالى
