Birqatar jýrnalıstik zertteýlerdiń avtory, "Daý-damaısyz" baǵdarlamasynyń júrgizýshisi Jazıra Begaly halyqty alaıaqtyqtyń jańa túrinen saqtandyrdy. Sońǵy kezderi jalǵan eneler "qyzym, seni kelin qylyp alamyn" dep turmys qurmaǵan qyzdardyń basyn shyr aınaldyryp, olarǵa bankten nesıe aldyrtyp alatyn bolǵan. Avtor mundaı oqıǵalardyń sońǵy kezderi jıilep ketkenin jazdy. Bul jaıly "Adyrna" ulttyq portaly habarlaıdy.
Jýrnalıst alaıaq ''enelerdiń'' áreketin tómendegideı baıandaıdy.
- Sońǵy kezderi kezegińdi jyljytyp, úı alyp beremin, bıznes ashý, grant alý, jumysqa ornalasýǵa kómek beremin, sheteldik Tólegender jibergen syılyqty alý úshin de aldanǵan jurttan shaǵym jıilep ketti. Jylaǵanda etegi jasqa tolǵan halyqty san soqtyrǵan sýaıttarǵa polıııa nege is qozǵamaıdy? Alaıaqtardyń bul áreketin toqtatý úshin halyqtyń qarjylyq, quqyqtyq saýatyn jetildirý kerek. On jyl buryn bankter osyndaı bastama kótergen. Ózderine tıimsiz boldy ma, sol joba qumǵa sińgen sýdaı boldy, - dep avtor úı bolýdy jeleý etip, turmysqa shyǵýǵa yqylasty jandardy san soqtyrǵan alaıaqtardyń áreketinen habar berdi.
Mundaı oqıǵany shynaıy ómirden alǵa tartyp, el estimegen jańalyqpen bólisti:
Endi turǵyndardy alaıaqtardan saqtandyrý úshin ne isteý kerek? Alaıaqtardyń aılasy sanalýan. Olar jasaǵan isin qylmys dep oılamaıdy. Kóp jaǵdaıda aldanǵan jandar shaǵym, aryzdy polıııa qaramaıdy deıdi... Endi qyzdardy kelin qylamyn dep bankten nesıe qaryz aldyrýdy kásipke aınaldyrǵan alaıaq eneler paıda bolypty. Abaılańyzdar.. Men Taraz qalasynyń turǵynymyn. Onlaın arqyly tanysyp, sóılesip júrgen jigitim Almatyǵa shaqyrdy. Ol túrmeden hat jazypty. Maǵan onyń sheshesi 2 500 000 teńge bankten nesıe aldyrdy. Kelin qylamyn dep sendirdi. Jigittiń anasy aqshany alǵan soń úıinen qýyp jiberdi. Ótinemin, maǵan kómektesińizdershi. Túrmedegi qylmyskerge ǵashyq bolyp, onyń sheshesine qomaqty qarjyny nesıege alyp berýge mahabbat májbúr etti deıdi.. Siz senesiz be? Áli enesi atanbaǵan bóten áıelge aqshany bergende qolhat ta almaǵan... Endi jylap otyr, - dedi jýrnalıst.
Oqyrmandar sezim jeteginde san soǵyp qalǵan keıipkerdiń taǵdyryna alańdaýly. Olar:
"Qarjylyq jáne quqyqtyq saýattylyq boıynsha qandaı jumystar júrgizse de artyq emes. Úkimet oǵan qarjy bólgennen utylmas edi. Tek maqsatty jumsalmaı, ol qarjy da talan-taraj bop jatyr ǵoı", "Osylaı aldanǵandar kóbeıip ketti. Alaıaqtarǵa qarsy bılik qatal zań daıyndaý kerek" dep jazyp jatyr.
"Adyrna" ulttyq portaly
