Qazaqstan Global Relocation Index 2026 halyqaralyq reitingınde Ortalyq Aziia elderı arasynda bırınşı orynǧa ie boldy, dep habarlaidy "Adyrna" ūlttyq portaly.
Reitingtı jyl saiyn Rumavi kompaniiasy jariialaidy.
Zertteu barysynda älemnıŋ 192 elı men aumaǧy 24 körsetkış boiynşa baǧalanǧan. Olar qarjylyq jaǧdai men salyq jüiesı, ömır süru sapasy men densaulyq saqtau, qauıpsızdık pen tūraqtylyq, sondai-aq köşu jäne jaŋa ortaǧa beiımdelu mümkındıkterı siiaqty tört negızgı sanatqa bırıktırılgen. Nätijesınde Qazaqstan 62,9 ball jinap, jalpy reitingte 192 eldıŋ ışınde 77-orynǧa ornalasty.
El eŋ joǧary körsetkıştı qarjylyq jaǧdai boiynşa tırkedı – 79 ball. Ömır süru sapasy men densaulyq saqtau, sondai-aq qauıpsızdık pen tūraqtylyq körsetkışterı boiynşa Qazaqstan 60 balldan jinaǧan. Al köşu jäne beiımdelu şarttary 51 ballmen eŋ tömen baǧalanǧan. Ortalyq Aziia elderı arasynda Qazaqstannan keiın Özbekstan (59,9 ball) men Qyrǧyzstan (59,3 ball) ornalasqan. Odan keiın Täjıkstan (55,1 ball) men Türıkmenstan (52,3 ball) keledı.
Salystyrmaly türde, Gruziia 69,3 ball jinap, reitingte 14-orynǧa tūraqtaǧan. Äzerbaijan – 61,5, AQŞ – 60, Resei – 58,9, al Qytai 58,6 ball alǧan.
Älemdık reitingtıŋ köşın 72,8 ballmen Estoniia bastady. Zertteu avtorlary eldıŋ joǧary körsetkışıne damyǧan bank jüiesı, qolaily biznes ortasy, tūrǧyn üidıŋ qoljetımdılıgı jäne jasyl aimaqtardyŋ köptıgı äser etkenın atap ötken. Al reitingtıŋ soŋǧy satysynda 39,5 ballmen Auǧanstan tūr.
Sonymen qatar Rumavi mamandary otbasylarǧa, zeinetkerlerge, sifrlyq köşpendılerge, käsıpkerlerge jäne salyqtyq jüktemege basymdyq beretın azamattarǧa arnalǧan bes jeke reiting äzırlegen. Qazaqstan būl sanattardyŋ barlyǧynda da Ortalyq Aziia öŋırındegı köşbasşylyq ornyn saqtap qalǧan.
Zertteu avtorlary Global Relocation Index reitingı täuelsız joba ekenın habarlady.
