Qūrbanqūly Berdımūhamedov Qazaqstan Prezidentıne jyly lebız joldady, dep habarlaidy "Adyrna" ūlttyq portaly.
Türkımenstannyŋ halyq mäslihaty töraǧasy Berdımūhamedov Qazaqstan Prezidentı Qasym-Jomart Toqaevqa beiresmi habarlama joldady. Habarlama türkımenstandyq köşbasşynyŋ ūşaǧy Qazaqstan aumaǧy arqyly ūşyp bara jatqan sätte jazylǧan.
Hatynda Qazaqstannyŋ köktemgı tabiǧatynyŋ körkem körınısterımen bölıstı. Tau-tas, kölder men şeksız jasyl dalalardy ūşaq tereŋınen tamaşalaǧan ol ūly qazaq aqyny jäne oişyly Abai Qūnanbaevtyŋ öleŋ joldaryn keltırgen.
Türkımenstan basşysy hatynda qazaq halqyna degen dostyq, bauyrlastyq sezımın bıldırıp, Qazaqstannyŋ jetıstıkterıne quanyşpen qaraitynyn atap öttı.
«Qazaqstannyŋ Sız basşylyq etken kezeŋdegı strategiialyq reformalary men özgerısterıne bauyrlastyq qoldauymdy bıldıru eşqaşan keş emes», – dep jazdy Qūrbanqūly Berdımūhamedov.
