Ūstaz, bılım men tärbie salasyndaǧy keleŋsızdıkterdı aşyq jazatyn qoǧam belsendısı öz qyzmetın asyna paidalanyp, 376 000 teŋgenı qaltasyna basqan Türkıstan oblysy, Tülkıbas audanynyŋ bas ūstazy Erjan Qadyrbektıŋ jäne onyŋ äielınıŋ üstınen şaǧymdandy. Sebebı Erjan Qadyrbektıŋ äielı bosanǧan keiın asa ırı kölemde materialdyq kömek jazdyryp alǧan. Būl jaily "Adyrna" ūlttyq portaly habarlaidy.
Belsendı Ömır Şynybekūly būl turasynda bylai deidı:
- Pedagog atanu üşın ǧana emes, bılım oşaǧyn, bılım bölımın basqaru üşın de adamda belgılı bır moraldyq qūqyq boluy şart! Tärbieşısı 19 myŋ teŋge bolnichnyiyn ala almai jürgende özıne 376 myŋ teŋge materialdyq kömek aluǧa ūiaty jetetın azamattyŋ bılım bölımın basqaruynyŋ saldary qandai bolmaq? Bala baqşa qyzmetkerlerınıŋ balalary sausaqtaryn soryp otyrǧanda, dökeilerdıŋ balalary bal jalap otyra bersın be? Mūndai jaǧdaida söz eŋ aldymen "Ädılettı Qazaqstan ornatamyz" dep jürgen memleket basşysyna tiedı. Halyqtyŋ prezident pen onyŋ jürgızıp otyrǧan saiasatyna degen senımıne selkeu tüsıredı.. Tülkıbas jaqtan taǧy şu şyqty.. Basşylardyŋ äldebır şeşımıne narazy tūrǧyndar köşede jür.. Köktemde men dabyl qaqqan kezde osy azamatty "Ainalaiyn, kete qoişy" degende bügıngı dau bolmas edı! Osyndai jaǧdailardy ministr şeşe almasa, Oblystyq Bılım basqarmasynyŋ basşysy şeşe almasa, mümkın Mäjılıs jäne Qoǧamdyq palata töraǧasy Erlan Qoşanov myrza şeşer. Sol kısınıŋ nazaryna jetkızıŋızşı. Qaŋtar qyrǧyny qaitalanbasyn desek, "memlekettık qyzmetker" degen atqa köleŋke tüsıretın şeneunıkterden jedel türde aryluymyz qajet! Sızderge degen qūrmetpen QR Parlamentınıŋ Mäjılısı janyndaǧy Qoǧamdyq palatanyŋ müşesı Ömır Şynybekūly, - dep jazdy.
Şeneunıkke aqşa audarylǧany turaly qūjattyŋ fotosy äleumettık jelıde tarap kettı. Mūnymen qoimai būl audanda keibır mektep direktorynyŋ orynbasarlary men mūǧalımderdıŋ 250 myŋ teŋge syiaqy alyp kelgenı de belgılı boldy.
"Bılım salasyndaǧy 20 jyldyq täjıribemde pedagogtarǧa 250 myŋ teŋge kölemınde syiaqy tölengenın esıme tüsıre almai otyrmyn. Al Tülkıbas audanynda keibır mektep direktorynyŋ orynbasarlary men mūǧalımderge 250 myŋ syiaqy berılgen... Ärine, būl qūjattardyŋ qanşalyqty ras ekenın bılmeimın. Ony qūzyrly organdar teksersın", — dedı Ömır Şynybekūly.Avtordyŋ jazbasy oqyrman qauymdy yzalandyrdy. Olar:
"Mūndai mäsele tek bılım salasynda ǧana bolmai tūr ǧoi, ökınışke qarai...", "Äleumettık jelını şulatyp kele jatqanyna būl basşynyŋ bıraz uaqyt boldy ǧoi. Sonda da bılgenın ıstep otyr? Tülkıbas audanyna zaŋ jürmei me? Älde būl kısınıŋ kryşasy myqty ma? Būl jaǧdaidan da sytylyp şyǧatynyna kümänım joq", "Tärbieşılerdı özara qyrylystyryp, el ışıne laŋ salǧan basşyny ornynan syrǧytuǧa eşkımnıŋ qauqary jeter emes" dep jazuda.
"Adyrna" ūlttyq portaly
Ūqsas jaŋalyqtar
Ädılettı qazaqstan
tärbieşı
#bılım_bölımı
Jaŋa Qazaqstan
qazaqstan respublikasy
bılım salasy
mektep ömırı
bılımdı ūrpaq
bılım bylyǧy
balalaqşa
mektep tynysy
