Túrkistan oblysy Jetisaı aýdany bilim bóliminiń qyzmetkerleri memlekettik qarajatty asa iri mólsherde jymqyrý faktisi boıynsha kúdikke ilindi, dep habarlaıdy «Adyrna» tilshisi.
Tergeý barysynda aýdandyq bilim bóliminiń basshylyǵy men esepshileri ózderiniń, sondaı-aq týystary men tanystarynyń esep shottaryna belgilengen jalaqydan joǵary aqsha aýdarý arqyly bıýdjet qarajatyn jymqyrýdyń qylmystyq shemasyn jasaǵany anyqtaldy.
«2021-2023 jyldar aralyǵynda memleketke 4 mlrd teńgeden astam zalal keltirilgen. Oblys prokýratýrasynyń arnaıy prokýrorlary 41 qyzmetkerdi, onyń ishinde 2 bilim bóliminiń basshysyn, 1 bas esepshi, 2 orynbasaryn jáne 36 esepshini kúdikti retinde tanydy»,—delingen habarlamada.
Aýdannyń burynǵy jáne qazirgi bilim bóliminiń basshylary ustaý ızolıatoryna jabylyp, sottyń sankııasymen qamaýǵa alyndy.
Qazirgi ýaqytta qylmystyq jolmen alynǵan aqshany jáne ózge de múlikti zańdastyrýdyń barlyq mán-jaılary men faktisin anyqtaýǵa baǵyttalǵan tergeý áreketteri júrgizilýde.
