"Abylaı han shyqpaǵan shyńǵa shyqtyń, Nur-Qaǵan". Jazýshy Sábıt Dosanov synnyń astynda qaldy

4298
Adyrna.kz Telegram

Aqyn Ularbek Dáleıuly óziniń feısbýktegi paraqshasynda jazýshy, dramatýrg ári Nursultan Nazarbaevtyń qudasy Sábıt Dosanovtyń Prezıdentke arnaǵan madaqtama jyr-shýmaqtaryn jarııalady. Abylaı hannan Nazarbaevty bıik qoıyp, tógilte jyrlaǵan jazýshynyń áreketi qalyń kópshiliktiń ashý-yzasyn týdyrdy. Bul jaıly "Adyrna" ulttyq portaly habarlaıdy. 

Buǵan qatysty aqyn Ularbek Dáleıuly tómendegideı jazdy:

-  Uly hannyń, Er Abylaıdyń árýaǵynan attaǵan jaǵympazdardyń artynan qorǵasyn quısa,... Shyńǵys qaǵan josynymen.

Oqyrmandarǵa Sábıt Dosanov jaıly derek usyna keteıik.

Sábıt Dosanov 1940 jyly 12 qańtarda Qostanaı oblysy, Amankeldi aýdanynyń Baıǵabyl aýylynda týǵan. 1985–1989 jj. KSRO ádebıet qory Qazaq bólimshesiniń dırektory, 1991–1995 jj Respýblıkalyq Halyq shyǵarmashylyǵy jáne mádenı qyzmet kórsetý ortalyǵynyń Bas dırektory, 1996–1997 jj. memlekettik «Qaınar» baspasynyń Bas redaktory bolyp istedi. T.Júrgenov atyndaǵy Óner akademııasynda ustazdyq qyzmet atqarǵan. Afrıkadaǵy Dúndý, Qazaqstandaǵy Qostanaı qalalarynyń, Aqsýat, Amankeldi aýdandarynyń qurmetti azamaty. Kóptegen roman, povest, áńgimelerdiń avtory. «Qaıyrly tań», «Janr taǵdyry», «Seksen bestiń kóktemi», «Adaspańdar, adamdar», «Totem pod chadroı», «Tenzor stepnogo kýrgana» atty kitaptary bar.

Feısbýk qoldanýshylary "tańdaı qaqtyrarlyq" týyndyǵa yzalanyp jatyr.

"Bul ándi Aqorda da sybyrlap aıtatyn ba edi, biz esmegen án ǵoı",

"E, flıýger jaǵympazdar qaptaǵan qoǵamǵa uryndyq qoı",

"Osylardy da aqyn,kompozıtor deıdi ǵoı ııa. Áı, jaǵympazdar-aı! Qaı jerden tesip kiretinderińdi bilmeı aınalshaqtaısyńdar" dedi olar.

"Adyrna" ulttyq portaly

Pikirler